Лоиҳаи «Рушди чорводорӣ ва чарогоҳҳо»: дар 26 деҳа иншооти инфрасохторӣ бунёд гардид

Июль 30, 2020 09:30

ДУШАНБЕ, 30.07.2020 /АМИТ «Ховар»/. Бо мақсади баланд бардоштани саломатӣ ва маҳсулнокии чорво, пешгирӣ аз таназзули чарогоҳҳо ва беҳдошти муҳити зист дар доираи татбиқи Лоиҳа дар 26 деҳа иншооти инфрасохторӣ, аз ҷумла дар 3 деҳа пулҳои чорвогузар ва дар 22 деҳа хатҳои нуқтаҳои обнўшӣ барои чорво, инчунин дар 1 деҳа ҳавзи шустушўи чорво  мавриди истифода қарор дода шуд.  Ин нуктаро 29 июл зимни нишасти матбуотӣ  директори Муассисаи давлатии «Маркази идораи лоиҳаи «Рушди чорводорӣ ва чарогоҳҳо» Абдулаҳад Хоҷазода иброз намуд.

Мавсуф  зикр намуд, ки дар шашмоҳаи якуми соли равон сохтмони 19 зерлоиҳаҳои инфрасохтори чарогоҳҳо, аз ҷумла 13 зерлоиҳа оид ба сохтмони хати оби нӯшокии чорво, 2 зерлоиҳа оид ба сохтмон ва барқарорсозии клиникаи байторӣ, 1 зерлоиҳа оид ба барқарорсозии роҳи чорвогузар, 1 зерлоиҳа оид ба сохтмони кашар дар чарогоҳҳо, 2 зерлоиҳа оид ба сохтмони кӯпруки чорвогузар тибқи тартиби муқарраргардида  оғоз гардид, ки дар муҳлатҳои муайяншуда барои истифода ба ҷамъиятҳо супорида мешаванд.

Зимни нишаст иттилоъ дода шуд, ки бо мақсади баланд бардоштани маҳсулнокии соҳаи чорводорӣ ва бо усули табиӣ беҳтар намудани зоти чорвои аҳолӣ барои зимистонгузаронӣ ва дар ҳолати хуби репродуктивӣ нигоҳ доштани 1303 сар қучқори зоти «Ҳисорӣ» ба миқдори зарурӣ хўроки консентратӣ барои баҳрагирандагон таъмин карда шуд.

Ҳамчунин бо мақсади зиёд намудани саршумори паррандаҳои хонагӣ, таъмини бозори маҳаллӣ  бо гӯшти парҳезӣ, тухм, асал ва меваҳои хушк, инчунин зиёд намудани маҳсулоти дохилӣ ва ба шуғли доимӣ фаро гирифтани занони ниёзманд дар доираи татбиқи Лоиҳа 109 гурӯҳи ташаккули фаъолияти даромадовар барои занон бо фарогирии 899 нафар занони эҳтиёҷманд дар самти занбӯрпарварӣ, парандапарварӣ, маркетинги шир, парвариш ва бастубанди хуч дастгирӣ шуданд.

Июль 30, 2020 09:30

Хабарҳои дигари ин бахш

Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид
Тоҷикистон ҳамкориро бо Словакия дар соҳаи роҳу нақлиёт тақвият медиҳад
ТАҲҚИҚИ ХОК. Баъзе аз кишоварзон бе назардошти маълумоти ташхиси корҳои агрокимёвии хок ва шароити иқлимӣ-иқтисодии минтақа фаъолияти истеҳсолиашонро оғоз менамоянд