ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар деҳоти Сангтӯдаи ноҳияи Данғара 27 иншооти таъйиноти гуногун бунёду навсозӣ мегарданд
ДУШАНБЕ, 24.08.2020. /АМИТ «Ховар»/. Ба истиқболи ҷашни 30 – солагии Истиқлолияти давлатии Ҷумҳурии Тоҷикистон ва дар доираи Солҳои рушди деҳот, сайёҳӣ ва ҳунарҳои мардумӣ дар деҳоти Сангтӯдаи ноҳияи Данғара бунёду навсозии 27 иншооти таъйиноти гуногун бо тарҳи муосир ва барои хоҷагии халқи деҳот муҳим бунёду навсозӣ мегарданд. Дар ин бора аз мақомоти иҷроияи ҳокимияти давлатии вилояти Хатлон ба хабарнигори АМИТ «Ховар» иттилоъ доданд.
Дар деҳоти Сангтӯда бо мақсади беҳтар кардани сифати хизматрасонии тиббӣ ба аҳолӣ ва ҳавасмандии кормандони соҳа аз ҳисоби маблағҳои буҷетӣ ва Бонки ҷаҳонӣ сохтмони ду бунгоҳи тиббӣ дар деҳаҳои Навобод ва Нурофар бо сифати баланд ба анҷом расид. Қаблан дар марказҳои саломатии деҳаҳо ҳамагӣ ду-се корманди тиб фаъолият доштанд, баъди бунёди бинои нав шумораи табибону ҳамшираҳои шафқат ба 10-12 нафар расид.
Ҳамчунин бо ташаббуси соҳибкорони маҳаллӣ корҳои сохтмонии чойхона, коргоҳи дӯзандагӣ, филиали Бонки давлатии амонатгузории «Амонатбонк», марказҳои хизматрасонӣ, нуқтаи фурӯши сӯзишворӣ, бунгоҳи тиббӣ, муассисаи таҳсилоти миёнаи умумӣ бомаром идома доранд. Иншооти ҷашнӣ то соли 2021 марҳила ба марҳила мавриди баҳрабардорӣ қарор гирифта, симои зоҳирии деҳот ва зиндагии сокинонро дигаргун менамоянд.
Сокинони деҳоти Сангтӯда дар баробари бунёди иншоот барои беҳтар намудани сатҳи зиндагӣ ва таъмини бозори дохилӣ бо меваҳои хушсифат давоми ду соли охир беш аз 11 гектар боғи нав намудаанд.
НАЗАРИ КОРШИНОС. Тоҷикистону Покистон имкон доранд ҳамкории судмандро дар соҳаҳои саноату кишоварзӣ густариш бахшанд
Дар доираи «Лоиҳа оид ба асосҳои рақамӣ дар Ҷумҳурии Тоҷикистон» Ёддошти ҳусни тафоҳум ба имзо расид
Корхонаи «Сирдарё» дар як шабонарӯз то 5 ҳазор қуттӣ шарбату афшура омода мекунад
Дар Ҷаласаи гурӯҳи электорати Хазинаи байналмилалии асъор ва Бонки ҷаҳонӣ ба масъалаи бунёди неругоҳҳои бодӣ ва офтобӣ таваҷҷуҳ зоҳир гардид
Дар рӯзномаи арабии «Аш-Шарқ ал-Авсат» мусоҳибаи раиси Кумитаи давлатии сармоягузорӣ ва идораи амволи давлатии Тоҷикистон нашр гардид
ХАТСАЙРИ ДУШАНБЕ-ИСЛОМОБОД. Нахустин парвози ширкати ҳавопаймоии Тоҷикистон «Сомон Эйр» ба Покистон анҷом дода шуд
Дар Вазорати молияи Тоҷикистон бо ноибони президентҳои Бонки ҷаҳонӣ ва Корпоратсияи Байналмилалии Молиявӣ мулоқот доир гардид
Ноиби Президенти Бонки ҷаҳонӣ Антонелла Бассани: «Дар самти таъмини оби нушокӣ хамкориро тақвият мебахшем»
Институтҳои молиявии ҷаҳонӣ ҳамкории самаранокро бо Тоҷикистон идома медиҳанд
«CASA-1000». Вазири энергетикаи Тоҷикистон ва Губернатори Хайбар-Пахтунхваи Покистон ҳамкории энергетикиро дар доираи ин тарҳ баррасӣ намуданд
Ифтитоҳи намояндагиҳои бонкҳои Озарбойҷон дар Тоҷикистон дар мулоқоти роҳбарони бонкҳои марказии ҳар ду давлат баррасӣ шуд
