Ҷаласаи Комиссияи байниидорвии танзими равандҳои муҳоҷирати назди Ҳукумати Ҷумҳурии Тоҷикистон таҳти роҳбарии муовини Сарвазири мамлакат баргузор гардид
ДУШАНБЕ, 31.08.2020. /АМИТ «Ховар»/. Имрӯз таҳти роҳбарии муовини Сарвазири Ҷумҳурии Тоҷикистон Ширин Исматуллозода ҷаласаи навбатии Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон доир гардид, хабабр медиҳад АМИТ «Ховар».
Дар ҷаласаи мазкур Вазири меҳнат, муҳоҷират ва шуғли аҳолии Ҷумҳурии Тоҷикистон Гулрӯ Ҷабборзода ва аъзои Комиссия-муовинони роҳбарони вазорату идораҳои дахлдори ҷумҳурӣ иштирок доштанд.
Дар ҷаласа ҷараёни иҷрои қарори Ҳукумати Ҷумҳурии Тоҷикистон аз 26 ноябри соли 2016, №506 «Дар бораи Нақшаи миёнамуҳлати муташаккилона кӯчонидани муҳоҷирони экологӣ барои солҳои 2017-2020» дар вилояти Хатлон, фаъолияти Хадамоти муҳоҷират дар самти бурдани корҳои иттилоотию фаҳмондадиҳӣ дар байни муҳоҷирони меҳнатӣ ва омодасозии пеш аз сафари муҳоҷирони меҳнатӣ, иҷрои қарори Ҳукумати Ҷумҳурии Тоҷикистон аз 28 феврали соли 2015, №107 “Дар бораи Нақшаи чорабиниҳо оид ба татбиқи Консепсия дар бораи ҷалби ҳамватанони бурунмарзӣ ҳамчун шарикони рушти кишвр барои солҳои 2015-2020”, вазъи муҳоҷирати меҳнатӣ дар Ҷумҳурии Тоҷикистон ва тасдиқи Нақшаи кории Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон барои соли 2021 мавридибаррасӣ қарор гирифтанд.
Тибқи масъалаи якуми рӯзнома гузориши Раҷабов Р. –муовини Раиси вилояти Хатлон оид ба иҷрои Нақшаи кӯчонидани муҳоҷирони экологӣ дар шаҳру ноҳияҳои вилояти Хатлон шунида шуд. Зимни баррасӣ масъалаи мазкур масъалаҳои саривақт чудо намудани китъаҳои замин барои сохтмони манзил, таъмини инфрасохтори зарурӣ дар мавзеҳои муҳоҷирони экологӣ ва дигар масъалаҳои вобастаи он дар шаҳру ноҳияҳои вилояти Хатлон таҳлилу арзёбӣ гардида, ҷиҳати ҳалли онҳо ба мақомоти ҳокимияти иҷроияи давлатии вилояти Хатлон ва вазорату идораҳо супоришҳои мушаххас дода шуданд.
Ба Хадамоти муҳоҷират барои пурзӯр намудани корҳои иттилоотию фаҳмондадиҳӣ дар байни муҳоҷирони меҳнатӣ ва омодасозии пеш аз сафари муҳоҷирони меҳнатӣ, дар ҳамкори бо вазорату идораҳои дахдлор тақвияти корҳо дар ҳифзи ҳуқуқу манфиатҳои муҳоҷирони меҳнатӣ дар хориҷа, бокортаъминсозии муташаккилонаи онҳо дар давлатҳои хориҷӣ, татбиқи чорраҳои иловагӣ барои пешгирии бемории Ковид-19 дар байни муҳоҷирони меҳнатӣ, мусоидат ба ташхису табобати онҳо дастурҳои иловагӣ дода шуд.
Инчунин, зимни баррасии масъалаи мазкур ба Вазорати меҳнат, муҳоҷират ва шуғли аҳолии Ҷумҳурии Тоҷикистон барои тақвияти робитаи корҳо бо хамватанони бурунмарзӣ ва диаспораҳои тоҷик дар хориҷи кишвар, ҳамоҳангсозии фаъолияти онҳо барои мусоидат ба муҳоҷирони меҳнатӣ дар давраи панедемия Ковид-19 супориш дода шуд, ки чораҳои иловагӣ андешад.
Ҳамчунин аз ҷониби аъзои комиссия Нақшаи кории Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон барои соли 2021 тасдиқ карда шуд.
Дар фарҷоми ҷаласа аз чониби муовини Сарвазири Ҷумҳурии Тоҷикистон муҳтарам Ширин Исматуллозода ба вазорату идораҳои дахлдор барои иҷрои саривақтии супоришҳои Ҳукумати Ҷумҳурии Тоҷикистон дар самти муҳоҷирати меҳнатӣ, муҳоҷирати дохилӣ ва экологӣ супоришҳои қатъӣ дода шуд.
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
