«БАДАХШОН БО ЭМОМАЛӢ РАҲМОН»-таҳти ин унвон китоби нав ба нашр расид
ДУШАНБЕ, 24.08.2020 /АМИТ «Ховар»/. Ба ифтихори 30-юмин солгарди Истиқлолияти давлатии Ҷумҳурии Тоҷикистон ва ташрифи навбатии Пешвои миллат муҳтарам Эмомалӣ Раҳмон ба шаҳру ноҳияҳои Вилояти Мухтори Кӯҳистони Бадахшон, ки аз 19 то 22 августи соли равон сурат гирифт, аз ҷониби Институти илмҳои гуманитарии ба номи Баҳодур Искандаров ва дастгириҳои Раиси Вилояти Мухтори Кӯҳистони Бадахшон Ёдгор Файзов китоби «БАДАХШОН БО ЭМОМАЛӢ РАҲМОН» ба нашр расид. Дар ин бора муовини раиси Вилояти Мухтори Кӯҳистони Бадахшон Назира Амирбекзода ба хабарнигори АМИТ «Ховар» хабар дод.
Муҳаққиқ ва муҳаррири китоб, директори Институти илмҳои гуманитарӣ, доктори илмҳои филологӣ, профессор Ҳоким Қаландариён дар китоби мазкур сафарҳо ва суханрониҳои Президенти мамлакат Эмомалӣ Раҳмонро аз соли 1993 то соли 2018 ҷамъоварӣ ва мавриди таҳқиқ қарор дода, дастгириҳои Пешвои муаззами миллат муҳтарам Эмомалӣ Раҳмонро дар тамоми соҳаҳои хоҷагии халқи вилоят ба таври хосса зикр намудааст.
Дар саҳифаи аввал сухани муовини Раиси Маҷлиси Миллии Маҷлиси Олии Ҷумҳурии Тоҷикистон, Раиси ВМКБ Ёдгор Файзов оид ба ташаббусҳои роҳбарияти олии мамлакат дар самти беҳтар намудани сатҳу сифати зиндагии мардуми Бадахшон ва ҷалби зиёди маблағҳои буҷетӣ ба рушди ин минтақаи Тоҷикистон нек арзёбӣ намуда, самимият ва дӯстдории мардуми ин вилоятро ба Пешвои миллат изҳор намудааст. Мавсуф Ҷаноби Олиро «Пешвои равшанназар ва раҳнамои равшангуҳар» ном бурда, саҳми ин фарзонафарзандро дар тараққиёти ин гӯшаи мамлакат-яъне Бадахшон фоли нек хондааст.
«Китоб баҳри боз ҳам бештар аз худ намудани пешравиҳои даврони соҳибистиқлолӣ ва нақшаҳои мукаммали давлату Ҳукумати мамлакат муҳим буда, барои доираи васеи хонандагон пешбинӣ гардидааст»,-иброз намуд Назира Амирбекзода.
Корҳои сохтмонӣ дар бинои истиқоматӣ барои кормандони Кумитаи телевизион ва радио оғоз шудааст
Имсол дар Тоҷикистон Намоишгоҳи 12-уми байналмилалии «Китоби Душанбе» баргузор мегардад
НИШАСТИ МАТБУОТӢ. Дар Тоҷикистон 6 агентии иттиллоотӣ, аз инҳо 1 давлатӣ ва 5 мустақил фаъолият дорад
Дар Бадахшон бо иштироки ҳайати Иттифоқи нависандагони Тоҷикистон маҳфили адабӣ доир шуд
«ТОҶИКИСТОН – ВАТАНИ АЗИЗИ МАН». Даври сеюми ин озмуни ҷумҳуриявӣ моҳи сентябр баргузор мешавад
Ҳайати котиботи номинатсияи фаромиллии Роҳи абрешим: Долони Фарғона — Сирдарё бо ёдгориҳои таърихӣ, фарҳангӣ ва меъмории Суғд шинос мегардад
Олимони Чин бо фаъолияти расадхонаҳои Тоҷикистон шинос шуданд
Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
