Даври аввали Озмуни ҷумҳуриявии «Тоҷикистон-Ватани азизи ман» дар шаҳру ноҳияҳои Бадахшон ҷамъбаст гардид
ДУШАНБЕ, 29.08.2020 /АМИТ «Ховар»/. Таҳти сарпарастии Президенти Ҷумҳурии Тоҷикистон ва ба истиқболи сазовори ҷашни 30-солагии Истиқлолияти давлатии Ҷумҳурии Тоҷикистон соли 2020 даври якуми Озмуни ҷумҳуриявии «Тоҷикистон – Ватани азизи ман» тибқи тартиби нав дар шаҳру ноҳияҳои Вилояти Мухтори Кӯҳистони Бадахшон ҷамъбаст гардид, ки аз 328 нафар иштирокчии даври аввал 73 нафари он барои санҷиши маҳорату истеъдод ба даври вилоятӣ интихоб гардиданд. Дар ин бора АМИТ «Ховар» бо истинод ба маркази матбуоти Вазорати фарҳанги Ҷумҳурии Тоҷикистон иттилоъ медиҳад.
Тавре АМИТ «Ховар» қаблан иттилоъ дода буд, даври аввали озмуни мазкур аз 25 июл то 12 август дар шаҳру ноҳияҳои Дарвоз, Ванҷ, Рӯшон, Шуғнон, Ишкошим, Мурғоб, Роштқалъа ва шаҳри Хоруғ сурат гирифт, ки дар он намояндагони касбу кори гуногун аз қишрҳои мухталифи ҷомеа иштирок доштанд.
Ба гуфти аъзои ҳакамон, бештари иштирокчиёни имсола нафароне буданд, ки дар озмуни соли гузашта иштирок намуда буданду ҷойҳои намоёнро сазовор нагардиданд.
Даври дуюм дар марказҳои Вилояти Мухтори Кӯҳистони Бадахшон, вилоятҳои Суғд, Хатлон, шаҳри Душанбе, шаҳри Ҳисор ва ноҳияи Рашт моҳҳои сентябр — октябри соли 2020 баргузор мешавад. Довталабон дар ин давра аз ҷониби ҳайати ҳакамони озмун муайян мегарданд. Қисмати ташкилӣ ва фароҳам овардани шароити мусоид барои баргузории даври дуюми озмун ба зиммаи мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғд, Хатлон, шаҳри Душанбе ва шаҳру ноҳияҳо вогузор гардидааст.
Ёдовар мешвем, ки ҳайати ҳакамони даври дуюм ва сеюм бо пешниҳоди Вазорати фарҳанг ва Иттифоқи композиторон аз ҳисоби мутахассисони варзидаи соҳаи санъату фарҳанг интихоб шуда, аз тарафи Комиссияи озмун тасдиқ мегардад.
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
