Ҷиҳати ҷалби сармояи Корея ба иқтисоди Тоҷикистон ёддошти тафоҳум ба имзо расид
ДУШАНБЕ, 22.08.2020/АМИТ «Ховар»/. Дар Душанбе байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Ассотсиатсияи «KOSHUMA» (Korean Smart Technology Association)-и Ҷумҳурии Корея Ёддошти ҳусни тафоҳум ба имзо расонида шуд.
Интизор меравад, ки дар заминаи санади мазкур ба иқтисодиёти Тоҷикистон ҷиҳати татбиқи лоиҳаҳои муштараки сармоягузорӣ дар соҳаҳои сохтмон, саноат, энергетика ва технологияҳои иттилоотӣ ва коммуникатсионӣ сармояи кореягӣ ҷалб карда шавад. Ба имзо расонидани санади мазкур дар ҳолест, ки аз охири моҳи июл инҷониб як ҳайати бонуфузи соҳибкорону сармоягузорони Ҷумҳурии Корея дар Ҷумҳурии Тоҷикистон қарор дорад.
Дар асоси хабари ба АМИТ «Ховар» расидаи Кумитаи давлатии сармоягузорӣ ва идораи амволи давлатии Ҷумҳурии Тоҷикистон, беш аз 180 ширкати бонуфузи кореягӣ истеҳсолкунандагони технологияҳои муосир (дар соҳаи сохтмон, саноат, энергетика ва технологияҳои иттилоотӣ ва коммуникатсионӣ) аъзои Ассотсиатсияи мазкур мебошанд.
Қаблан 29 июни соли 2020 Кумита дар ҳамбастагӣ бо Сафорати Ҷумҳурии Тоҷикистон дар Ҷумҳурии Корея ва бо ҷалби намояндагони Вазорати саноат ва технологияҳои нав, намояндаи Ташкилоти рушди саноати Созмони Милали Муттаҳид (UNIDO), Иттифоқи рушди бахши хусусӣ, Донишгоҳи технологии Тоҷикистон, ҶДММ «Kota Global» ва дигар соҳибкорону сармоягузорони соҳаи нассоҷии Тоҷикистону Корея бо мақсади тақвияти ҳамкории тиҷоратию иқтисодӣ байни бахши хусусии ду давлат, ҷалби сармоягузорӣ ва ҳамоҳангсозии фаъолият дар ин самт видеоконфронс баргузор гардида буд.
Дар он ба иштирокчиёни ҷаласа рӯнамо оид ба имкониятҳои сармоягузории Ҷумҳурии Тоҷикистон барои соҳибкорону сармоягузорони Корея пешниҳод гардид. Дар ҷаласа зикр гардида буд, ки то охири моҳи июли имсол як ҳайати соҳибкорону сармоягузорони Корея ба Тоҷикистон меояд.
Вобаста ба ин ҷиҳати пайгирии мувофиқаҳои болозикр шурӯъ аз 23 июл то ҳол ҳайати бонуфузи соҳибкорону сармоягузорони Ҷумҳурии Корея дар Тоҷикистон қарор дошта, бо мақомоти давлатӣ ва ширкатҳои ватанӣ мулоқоту гуфтушунидҳои судманд гузаронида истодаанд.
Ҳайати минтақаи Фландрияи Белгия ба Форуми байналмилалии «Dushanbe Invest 2025» даъват гардид
Дар корхонаҳои саноатии Тоҷикистон ба маблағи 1,8 миллиард сомонӣ масолеҳи сохтмонӣ истеҳсол карда шудааст
Ҳайати Бонки миллии Тоҷикистон бо фаъолияти филиали Бонки федералии Олмон – Бундесбонк шинос гардид
Дар таъмиру таҷдиди роҳи Душанбе-Чанок дар маҷмуъ тақрибан 347 ҳазор тонна асфалт истифода шудааст
Нақшаи амали татбиқи Ёддошти тафоҳум байни вазоратҳои молияи Тоҷикистон ва Қирғизистон оид ба ҳамкорӣ ба мувофиқа расид
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
