Дар Исфара «Академия Контакт Интернэшнл» ба фаъолият шурӯъ намуд
ДУШАНБЕ, 02.09.2020 /АМИТ «Ховар»/. Ба ифтихори 29-умин солгарди Истиқлолияти давлатии Тоҷикистон дар шаҳри Исфара нахустин муассисаи таҳсилоти умумии ғайридавлатии «Академия Контакт Интернэшнл» ба фаъолият шурӯъ намуд.
Тавра аз мақомоти иҷроияи ҳокимияти давлатии шаҳри Исфара ба АМИТ «Ховар» иттилоъ доданд, муассисаи таълимии мазкур дар асоси дастуру ҳидоятҳои Пешвои миллат муҳтарам Эмомалӣ Раҳмон дар доираи тадбирҳо бахшида ба ҷашни 30-солагии Истиқлолияти давлатии Ҷумҳурии Тоҷикистон ва сиёсати маорифпарваронаи Ҳукумати мамлакат аз ҷониби соҳибкори ватанӣ Нарзуллоҷон Ӯлмасов таъсис дода шудааст.
«Академия Контакт Интернэшнл» дорои муосиртарин шароит барои илмомӯзӣ буда, аз 13 ҳуҷраи муҷаҳҳази фаннӣ, ҳуҷраи компютерӣ бо 12 адад компютер, синфхонаҳо барои гурӯҳи омодагӣ ба мактаб ва синфҳои ибтидоӣ, ки ҳар яке аз ҳуҷраҳои фаннии дорои лавҳаҳои электронӣ, тахтаи пластикӣ ва проэктор иборат мебошанд, ташкил карда шудааст.
Таълимгоҳ ҳамчунин дорои китобхона, ошхона бо 120 ҷойи нишаст, толори муосири варзишӣ, хобгоҳ барои 60 толибилм ва устохонаи таълимӣ мебошад.
Раиси шаҳри Исфара Акрам Сулаймонзода зимни ифтитоҳи муассиса иброз дошт, ки дар шароити кунунӣ илму дониш нишондиҳандаи асосии дараҷаи инкишофи ҳар давлату миллат буда, бо раванди рушди неруи инсонӣ робитаи мустақим дорад.
«Аз ҳамин хотир Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2020 – 2040-ро Бистсолаи омӯзиш ва рушди илмҳои табиӣ, дақиқ ва риёзӣ дар соҳаи маориф эълон карда, тамоми сохторҳои илму маориф ва муассисаҳои иҷтимоиро вазифадор намудаанд, ки ба таълими илмҳои табииву риёзӣ зиёдтар таваҷҷуҳ зоҳир намоянд ва мафкураи техникии насли наврасро қавӣ гардонанд»,- гуфт номбурда.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
