«МАН ДӮСТДОРИ ВАТАНАМ…». Писари Раиси Бохтар дар мулоқоти Президенти Ҷумҳурии Тоҷикистон Эмомалӣ Раҳмон бо сокинони ин шаҳр хоҳиши хизмати ихтиёрӣ дар сафи Қувваҳои Мусаллаҳро изҳор дошт
ДУШАНБЕ, 24.09.2020 /АМИТ «Ховар»/. Писари Раиси шаҳри Бохтар Сиҷоуддин Саломзода Мақсуд Саломзода 23 сентябр зимни суҳбат бо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо роҳбарон, фаъолон ва сокинони шаҳри Бохтар хоҳиши хизмати ихтиёрӣ дар сафи Қувваҳои Мусаллаҳи Тоҷикистонро изҳор дошт. Дар ин бора хабарнигори АМИТ «Ховар» дар вилояти Хатлон Зулайхо ҒОИБОВА иттилоъ дод.
Мақсуд Саломзода ба ҳайси муҳандиси ҷавон оид ба таҷҳизот дар ҶСП «Трансформер»-и шаҳри Бохтар фаъолият дошта, Мактаби олии технология ва энергетикаи Санкт-Петербургро хатм кардааст.
Ҳангоми суҳбат бо Сарвари давлат Мақсуд Саломзода гуфт, ки мехоҳад бо хоҳиши худ дар сафи Қувваҳои Мусаллаҳи Тоҷикистон хизмат кунад.
Тавре ӯ дар суҳбат бо хабарнигори АМИТ «Ховар» иброз дошт, ӯро танҳо ҳисси ватандӯстӣ, муҳаббат ва уҳдадорӣ дар назди Ватан ба хизмати ихтиёрии ҳарбӣ водор мекунад. «Ман дӯстдори Ватани хеш ҳастам ва ин тасмими шахсии ман аст – қарори шахси баркамол, ки қодир аст мустақилона тасмим гирад. Ман фикр мекунам, ки ҳар ҷавон бояд аз мактаби шуҷоат гузарад ва дар таъмини амнияти Тоҷикистон саҳм гузорад. Ба тасмими ман барои хидмат дар артиш, тавре ки бисёриҳо гумон мекунанд, падарам ё маслиҳати касе таъсир нагузоштааст», — гуфт ӯ.
Ба гуфтаи Мақсуд Саломзода, дар оилашон 8 фарзанд аст ва ӯ фарзанди панҷуми оила мебошад. Мусиқиро дӯст медорад ва бо чанд забон ҳарф мезанад.
Тавре ҳамсуҳбати мо иброз дошт, пас аз хидмат ӯ нақша дорад фаъолиятро аз рӯи ихтисос идома диҳад.
Солҳои охир роҳбарони мамлакат, аз ҷумла Вазорати мудофиаи Тоҷикистон тамоми тадбирҳои заруриро андешида истодаанд, то шароити хизмат дар сафи Қувваҳои мусаллаҳ боз ҳам беҳтар карда шавад.
Даъват ва иҷрои хидмати ҳарбиро дар Тоҷикистон қонунҳо «Дар бораи уҳдадории умумии ҳарбӣ ва хизмати ҳарбӣ» ва «Дар бораи вазъи хизматчиёни ҳарбӣ», инчунин дигар санадҳои меъёрии ҳуқуқӣ ба танзим медароранд.
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
