Ҳадаф аз ташкили МОИ «Кӯлоб» ҳалли масъалаҳои иҷтимоию иқтисодии минтақа мебошад
ДУШАНБЕ, 03.10.2020. /АМИТ «Ховар»/. Вакилони Маҷлиси намояндагони Маҷлиси Олии Ҷумҳурии Тоҷикистон дар ҷаласаи якуми иҷлосияи дуюми Маҷлиси намояндагон, даъвати шашум нақшаи ҳудудии минтақаи озоди иқтисодии «Кӯлоб»-ро тасдиқ намуданд.
Вобаста ба масъалаи мазкур Вазири рушди иқтисод ва савдои Ҷумҳурии Тоҷикистон Завқӣ Завқизода ва вакили Маҷлиси намояндагони Маҷлиси Олии Ҷумҳурии Тоҷикистон Зоир Раҳмонзода изҳор доштанд, ки ҳадаф аз ташкили МОИ “Кӯлоб”- ин таъмин намудани аҳолии минтақа ва ҷумҳурӣ бо кор, ташкили ҷойҳои нави корӣ, баланд бардоштани сатҳи зиндагии аҳолӣ, беҳтарсозии қобилияти харидорӣ ва ҳалли дигар масъалаҳои иҷтимоию иқтисодии минтақа маҳсуб мешавад.
Минтақаи озоди иқтисодии “Кӯлоб” навтаъсис буда, соли 2019 дар масоҳати 309 га таъсис дода шуда, барои татбиқи амалии ҳадафҳои стратегии мамлакат, бахусус саноатикунонии босуръати мамлакат нигаронида шудааст.
Пешвои миллат муҳтарам Эмомалӣ Раҳмон оид ба тақвияти фаъолияти МОИ “Кӯлоб” зимни суханронии худ дар мулоқот бо роҳбарону фаъолон ва сокинони шаҳри Кӯлоб (23.09.2020) ба масъулини соҳа ҷиҳати бунёд намудани корхонаҳои наву пуриқтидори саноатӣ ва зеристгоҳи барқии нав дар ҳудуди минтақаи мазкур, беҳтар намудани инфрасохтори маҳаллӣ ва ташкили ҷойҳои нави корӣ дастуру супоришҳои мушаххас доданд.
Иброз гардид, ки МОИ “Кӯлоб” тавассути ҷалби сармояи дохиливу хориҷӣ ва татбиқи лоиҳаҳои самарабахш бояд солҳои наздик ба рушди шаҳри Кӯлоб ва минтақа такони ҷиддӣ бахшида, сабаби таъсиси ҳазорҳо ҷойи нави корӣ ва баланд шудани некӯаҳволии сокинон гардад.
Ба иттилои роҳбари МОИ “Кӯлоб” Мустафо Абдуллозода, 4 сентябри соли равон дар минтақаи мазкур нахустин субъекти соҳибкорӣ ба қайд гирифта шуд. То имрӯз бо мақсади аз наздик шинос шудан бо имконоти сармоягузорӣ роҳбарони намояндагии Бонки Авруосиёгии Рушд дар Ҷумҳурии Тоҷикистон, Фонди Авруосиёии стабилизатсионӣ ва рушд, сармоягузорони Британияи Кабир аз минтақаи мазкур боздид намуданд.
Инчунин дар ҳудуди минтақа зеристгоҳи барқии 110/35/10 кВ (нуқтаи пайвастшавии зеристгоҳ ба шабакаҳои амалкунандаи барқӣ) бунёд мешавад. Бо мақсади интихоби мавзеи мувофиқ барои бунёди зеристгоҳи барқӣ намояндагони ШСҲК «Барқи Тоҷик» ва шабакаҳои барқии шаҳри Кӯлоб аз ҳудуди минтақа боздид намуданд. Онҳо имконоти барқтаъминкунии МОИ «Кӯлоб»-ро мавриди омӯзиш қарор доданд.
Дар акс. Ташрифи сармоягузорони Британияи Кабир ба МОИ «Кӯлоб»
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
