Озмуни ҷумҳуриявии «Фурӯғи субҳи доноӣ китоб аст» ба оммавигардонии мутолиа такони ҷиддӣ мебахшад

Октябрь 22, 2020 15:57

ДУШАНБЕ, 22.10.2020 /АМИТ «Ховар»/. Дар Паёми хеш ба Маҷлиси Олии Ҷумҳурии Тоҷикистон Пешвои миллат муҳтарам Эмомалӣ Раҳмон нақш ва манзалати китобу китобхонаро дар рушди ҷомеаи муосир муҳим арзёбӣ намуда, зикр намуданд, ки «китобхонаҳо бояд ба маркази муҳими илму фарҳанг табдил дода шаванд, зеро китоб маҳсули ақлу заковати мардуми соҳибтамаддун, омили асосии ҳифзи фарҳанги миллӣ ва яке аз муҳимтарин воситаҳои маърифатнок кардани аҳли ҷомеа буда, сухандониву суханрониро сайқал медиҳад, доираи андешаву тафаккур ва ҷаҳонбинии инсонро васеъ ва ӯро ба роҳи дурусти зиндагӣ раҳнамоӣ мекунад».

Директори Китобхонаи миллии Тоҷикистон Ҷумахон Файзализода зимни баргузории мизи мудаввар, ки таҳти унвони «Паём-дастури созанда» дар Китобхонаи миллии Тоҷикистон доир шуд, баён дошт, ки соли дуюм аст бо сарпарастии Асосгузори сулҳу ваҳдати миллӣ–Пешвои миллат, Президенти мамлакат муҳтарам Эмомалӣ Раҳмон дар доираи ҷашни 30-солагии Истиқлоли давлатии Ҷумҳурии Тоҷикистон миёни қишрҳои гуногуни ҷомеа Озмуни ҷумҳуриявии «Фурӯғи субҳи доноӣ китоб аст» доир гардида истодааст. Таваҷҷуҳи хос ва таъкиди ҷузъиёти баргузории озмуни мазкур бори дигар аз он шаҳодат медиҳад, ки нақши он дар баланд бардоштани сатҳи маънавиёти миллат, махсусан, камолоти насли навраси тоҷик беандоза бузург аст.

Ба таъкиди директори Китобхонаи миллӣ,  бо эълон гардидани Озмуни ҷумҳуриявии «Фурӯғи субҳи доноӣ китоб аст» на танҳо таваҷҷуҳи аҳли илму адаб, мактаббачагон ва донишҷӯён ба мутолиа ва китоб бештар мегардад, балки он такони ҷиддие барои ба китоб рӯ овардани қишрҳои дигари ҷомеа низ хоҳад буд.

Дар ҳамин Паёмашон Президенти мамлакат дастур доданд, ки  дар ҳама ташкилоту муассисаҳо китобхонаҳо созмон дода шаванд, то ҳама қишрҳои ҷомеа бо мутолиа пайванд гарданд.  “Ин созандатарин иқдоми Пешвои миллат дар самти соҳибмаърифтии мардуми мамлакат мебошад, ки баргузории ҳамасолаи Озмуни ҷумҳуриявии «Фурӯғи субҳи доноӣ китоб аст» ва ҳадяи шоҳасари Бобоҷон Ғафуров китоби “Тоҷикон”– ба ҳар як оилаи мамлакат идомаи мантиқии сиёсати фарҳангдӯстонаи Президенти ҷумҳурӣ мебошад”,-гуфт Ҷумахон Файзализода.

Директори Китобхонаи илмии Донишгоҳи технологии Тоҷикистон Ситора Абдумуминзода зикр дошт, ки дар Паёми навбатӣ Сарвари давлат пешниҳод намуданд, ки «ба хотири баланд бардоштани сатҳи маънавиёти аҳолӣ чопи китобҳои бадеиро зиёд намуда, дар як сол хондани на камтар аз панҷ китоби бадеӣ ва ҳифзи асарҳои манзуму мансури адибони гузаштаву муосирро барои калонсолону хонандагон ба роҳ монанд ва онро зери назорати қатъӣ қарор диҳанд». Ба андешаи Ситора Абдумуминзода, ҳар иқдом ё пешниҳоде, ки аз олами афкору андешаҳои сабзу созандаи Сарвари давлат муҳтарам Эмомалӣ Раҳмон арзи вуҷуд мекунад, сабаби  болоравии маънавиёти мардум, бахусус мактабиён, донишҷӯён, наврасону ҷавонон ва умуман қишрҳои мухталифи ҷомеа мегардад.

Дар мизи мудавваре, ки  таҳти унвони “Паём — дастури созанда» баргузор шуд, чеҳраҳои шинохтаи илму фарҳанги мамлакат, махсусан китобдорон ва таҷрибадорони соҳа иштирок ва дар мавзӯъҳои “Пешвои миллат- таҳаввулгари соҳаи китобдорӣ”, “Нақши Пешвои миллат дар оммавигардонии мутолиа” маърӯза намуданд.

Октябрь 22, 2020 15:57

Хабарҳои дигари ин бахш

«ИЛМ-ФУРӮҒИ МАЪРИФАТ». Дар шаҳри Хуҷанд даври якуми озмуни ҷумҳуриявӣ идома дорад
Дар Китобхонаи миллӣ даври аввали озмуни «Фурӯғи субҳи доноӣ китоб аст» баргузор гардид
Дар Тоҷикистон моҳи май Озмуни ҷумҳуриявии «Донандаи беҳтарини асарҳои Пешвои миллат» оғоз мегардад
Аз Ҳисор 58 нафар ба даври минтақавии озмуни «Тоҷикистон-Ватани азизи ман» роҳхат гирифтанд
Дар Донишгоҳи техникии Тоҷикистон даври якуми Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии молия ва иқтисоди Тоҷикистон озмуни «Фурӯғи субҳи доноӣ китоб аст» доир шуд
Аз 1 апрел даври аввали Озмуни ҷумҳуриявии «Тоҷикистон — Ватани азизи ман» оғоз мегардад
Дар Донишгоҳи давлатии Бохтар даври аввали Озмуни ҷумҳуриявии «Фурӯғи субҳи доноӣ китоб аст» баргузор шуд
Ҷаласаи якуми ҳайати Комиссияи Озмуни ҷумҳуриявии «Фурӯғи субҳи доноӣ китоб аст» дар соли 2025 баргузор гардид
Дар Суғд даври якуми Озмуни ҷумҳуриявии «Фурӯғи субҳи доноӣ китоб аст» оғоз гардид
«ФУРӮҒИ СУБҲИ ДОНОӢ КИТОБ АСТ». Дар Суғд барои дар сатҳи баланд гузаронидани озмун 896 ҳазор сомонӣ ҷудо гардид
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд