Роҳбарияти Кумитаи телевизион ва радио ва АМИТ «Ховар» бо ҳайати нозирони САҲА мулоқот намуданд
ДУШАНБЕ, 09.10.2020 /АМИТ «Ховар»/. Имрӯз вохӯрии Раиси Кумитаи телевизион ва радио Нуриддин Саид ва Директори Агентии миллии иттилоотии Тоҷикистон «Ховар»-и назди Ҳукумати Ҷумҳурии Тоҷикистон Саидалӣ Сиддиқ бо Уилям Романс, муовини роҳбари ҳайати нозирони САҲА, ки бо мақсади назорати рафти омодагӣ ва баргузории интихоботи Президенти Ҷумҳурии Тоҷикистон дар кишвари мо қарор дорад, баргузор гардид.
Нуриддин Саид муовини роҳбари гурӯҳи нозирони САҲА ва ҳайати ҳамроҳи ӯро хайрамақдам гуфта, ҳамкории намояндагони ВАО-ро бо Дафтари Барномаҳои САҲА дар Тоҷикистон муҳим арзёбӣ намуд. Бо баёни шарҳи кутоҳи фаъолияти имрӯзаи шабакаҳои телевизион ва радио дар Тоҷикистон, мавсуф иброз намуд, ки дар қиёс бахши хусусӣ, махсусан дар минтақаҳо аз ҷиҳати теъдод зиёд мебошад.
Дар рафти мулоқот масъалаҳои фаъолияти Кумитаи телевизион ва радио дар ҷараёни омодагиҳо ба ташкил ва доир намудани интихоботи Президенти Ҷумҳурии Тоҷикистон, ки 11 октябри соли равон баргузор мегардад, мавриди баррасӣ қарор дода шуданд.
Тавре Н.Саид баён кард, тамоми имконоти имрӯзаи Кумитаи телевизион ва радио дар марказ ва минтақаҳо ба инъикоси пурра, шаффоф ва холисонаи маъракаи таблиғотии номзадҳо ба мансаби Президенти Ҷумҳурии Тоҷикистон равона карда шудааст. Инъикоси рафти вохӯриҳои номзадҳо ва шахсони бовариноки онҳо дар шаҳру ноҳияҳои ҷумҳурӣ, муҳайё кардани шароит барои истифодаи вақти ҷудошуда дар эфири телевизиони марказӣ ва радио барои онҳо, аз зумраи дигар корҳое мебошад, ки Кумитаи телевизоин ва радио анҷом дода истодааст.
Бо назардошти мавзӯъ ва масъалаҳои мавриди таваҷҷуҳи ҳайати САҲА дар рафти мулоқот, Директори АМИТ «Ховар» С. Сиддиқ зикр кард, ки дар тамоми давраи тайёрӣ ба ин чорабинии муҳими сиёсӣ Агентӣ дар ҳамкории наздик бо КМИР ҶТ фаъолият дорад. Агентӣ нашр ва пахши саривақтии хабару гузоришҳоро дар сомона ва Радиои «FM Ховар» оид ба интихоботи Президенти Ҷумҳурии Тоҷикистон ва барномаҳои пешазинтихоботии номзадҳо таъмин ва суҳбатҳои алоҳидаро бо ҳар як номзад доир намуда, пешкаши хонандагон ва шунавандагон гардонид.
Дар анҷоми мулоқот тарафҳо идомаи ҳамкории судманд дар баргузории интихоботи Президенти Ҷумҳурии Тоҷикистон, тарғиби минбаъдаи ташкил ва гузаронидани чунин чорабиниҳои муҳими сиёсиро дар фазои озод, шаффоф, демократӣ ва бо иштироки васеи интихобкунандагон чун калиди якдигарфаҳмӣ, таъмини пешрафт ва сулҳу суботи саросарӣ муҳим донистанд.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
