Ҷаласаи Шӯрои раисони судҳои олии арбитражӣ, хоҷагӣ, иқтисодӣ ва дигар судҳои давлатҳои аъзои ИДМ доир гардид
ДУШАНБЕ, 26.11.2020 /АМИТ «Ховар»/. Дар ҷаласаи навбатии Шӯрои раисони судҳои олии арбитражӣ, хоҷагӣ, иқтисодӣ ва дигар судҳои давлатҳои аъзои ИДМ, ки тариқи видеоконфронс доир гардид, масъалаҳои марбут ба фаъолияти Шӯрои раисони судҳои олии арбитражӣ, хоҷагӣ, иқтисодӣ ва дигар судҳое, ки баҳсҳоро дар соҳаи иқтисодиёт ҳал мекунанд, матраҳ шуданд.
Аз Суди Олии иқтисодии Ҷумҳурии Тоҷикистон ба АМИТ «Ховар» иттилоъ доданд, ки ҷаласа таҳти раисии Раиси Суди Олии Федератсияи Россия Вячеслав Лебедов баргузор гардида, дар он муовини якуми Раиси Кумитаи иҷроия-бахши иҷроияи ИДМ В.Гуманский, аъзои Шӯро -Раиси Суди Олии иқтисодии Ҷумҳурии Тоҷикистон Мавлуда Қаландарзода, раисони судҳои олии Қазоқистон, Қирғизистон, намояндаи ваколатдор, судяи палатаи маъмурӣ-граждании суди кассатсионӣ, аъзои Шӯрои олии судии Ҷумҳурии Арманистон иштирок ва сухан карданд.
Раиси Суди Олии иқтисодии Ҷумҳурии Тоҷикистон Мавлуда Қаландарзода зикр намуд, ки Шӯро дар рушди низоми судӣ, такмили қонунгузорӣ ва таҳкими татбиқи ягонаи қонунгузории давлатҳои аъзо нақши муассир дорад. Давлатҳои иштирокчии Шӯро баҳри такмили муносибатҳои ҳуқуқии байнидавлатӣ, таъмини иҷрои санадҳои судӣ дар ҳудуди давлати иштирокчӣ, табодули мунтазами таҷрибаи татбиқи қонунгузории миллӣ ва меъёрҳои истеҳсолоти судӣ зимни баамалбарории адолати судӣ тадбирҳои дахлдор андешида истодаанд.
Дар ҷаласа лоиҳаи Созишнома оид ба таъсиси Шӯрои раисони судҳои олии давлатҳои иштирокчии ИДМ матраҳ гардида, дар ин раванд Мавлуда Қаландарзода мавқеи Суди Олии иқтисодии Ҷумҳурии Тоҷикистонро вобаста ба масъалаҳои рӯзномаи ҷаласа баён намуда, пешниҳод намуд, ки бо дарназардошти он ки дар низоми судии Ҷумҳурии Тоҷикистон баробари Суди Олӣ Суди Олии иқтисодӣ низоми мустақили ҳокимияти судӣ мебошад, ба ҳайати Шӯрои раисони судҳои олии давлатҳои иштирокчии ИДМ раисони Суди Олӣ ва Суди Олии иқтисодӣ шомил карда шаванд.
Дар фарҷом доир ба масъалаҳо қарори Шӯрои раисони судҳо дар бораи ҷонибдорӣ намудани Созишнома оид ба таъсис додани Шӯрои раисони судҳои олии давлатҳои иштирокчии ИДМ қабул гардид.
Вобаста ба рушди соҳаи сайёҳӣ ва ҳунарҳои мардумӣ ҷаласаи ҷумҳуриявӣ баргузор шуд
ТУРСУНЗОДА-ШАҲР ДАР ҲОЛИ РУШД. Пешниҳоди сафардидаҳои хабарнигори АМИТ «Ховар» аз шаҳри саноатии Тоҷикистон
Ҷаласаи 7-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Бонки Авруосиёии Рушд маблағгузориро ба лоиҳаҳои афзалиятноки иқтисодии Тоҷикистон зиёд мекунад
Форуми соҳибкории Тоҷикистон ва Хорватия баргузор гардид
Байни Бонки миллии Тоҷикистон ва Бонки марказии Амороти Муттаҳидаи Араб Ёддошти тафоҳум ба имзо расид
Дар вилоятҳои Суғд ва Бадахшон неругоҳҳои барқи офтобӣ ва дастгоҳҳои захиракунандаи энергия бунёд мегарданд
Дар доираи татбиқи «Барномаи давлатии рушди соҳаи геология» дастгоҳҳои пармагарӣ харида шуданд
Дар Лондон масъалаи солимгардонии ҳудудҳо баррасӣ гардид
Дар шаҳри Риёз мулоқоти роҳбарони мақомоти гумруки Тоҷикистон ва Баҳрайн баргузор шуд
ИМРӮЗ-РӮЗИ ГЕОЛОГҲОИ ТОҶИКИСТОН. «Атласи равандҳои экзогениву геологии Ҷумҳурии Тоҷикистон» таҳия гардид
Ҷаласаи дуюми Гурӯҳи корӣ оид ба ҳамкории сармоягузорӣ байни Тоҷикистон ва Беларус доир гардид
