ЛИМӮҲОИ МАШҲУРИ ТОҶИКӢ: ТАҶРИБАИ САДСОЛАҲО. Дар ҷумҳурӣ ҷамъоварии ҳосил идома дорад

Ноябрь 2, 2020 17:14

ДУШАНБЕ, 02.11.2020 /АМИТ «Ховар»/. Дар ҷануби вилояти Хатлон, дар шаҳраки Ҷалолиддини Балхӣ, дар майдони беш аз 10 гектар лимӯи машҳури тоҷикӣ парвариш карда мешавад, хабар медиҳад шабакаи телевизионии «Тоҷикистон».

Деҳқонони ҷамоати Калинин зикр мекунанд, ки дар гармхонаҳои онҳо ин навъи растанӣ  хеле хуб нашъу намо мекунад.

Дар тӯли солҳои таҷриба, селексионерҳои маҳаллӣ муваффақ шуданд, ки навъи ситрусиҳои ба таъсири беруна тобовар ихтироъ кунанд ва на танҳо таҷрибаи худ, балки ниҳолҳои дарахтони лимӯро низ ба хоҷагиҳои дигар интиқол диҳанд.

Деҳқон Муродбек Ятимов 50 сол боз дар хоҷагӣ кор мекунад ва тамоми асрори парвариши лимӯи муфиди тоҷикиро медонад.

Ба гуфтаи раиси Ҷамоати деҳоти Калинин Носирҷон Пиров, имсол ҳосили лимӯ пурра пухта расидааст ва заҳматкашон ҷамъоварии онро идома медиҳанд, қисме аз меваҳо аллакай дар бозорҳои мамлакат ба фурӯш  бароварда шудаанд.

«Лимӯи ба зимистон тобовар — ифтихори деҳқонони маҳаллист. Як замон ин навъ “Мейер” ном дошт. Беҳтар аз ҳама, он дар вилояти Хатлон нашъу намо  мекунад. Дар тӯли 80 соли парвариш он ба худ номи “Хатлонӣ” гирифт. Меваҳои он калонанд, пӯстлохи зарди торик доранд ва мағзи он бӯи қавӣ ва таъми ширин дорад», — гуфт хабарнигори ТВ» МИР-24 «.

«Сифатҳои афзалиятноки “Хатлонӣ” бо ин анҷом намеёбанд. Он ҳосили хеле калон медиҳад — аз даҳ сотих ду тонна. Дар як сол чанд маротиба ҳосил медиҳад», — мегӯяд боғбон Зоир Идиев зимни мусоҳиба бо шабакаи телевизионӣ.

Хотиррасон мекунем, ки дар Тоҷикистон беш аз сад сол инҷониб лимӯ парвариш карда мешавад. Имрӯз дар қаламрави мамлакат  қариб 2 ҳазор гектарро боғҳои лимӯпарварӣ ишғол намудаанд, ки ҳар сол зиёда аз 50 ҳазор тонна ҳосил медиҳанд.

Лимӯҳои тоҷикӣ бо пӯсти тунук ва бӯи хуши худ фарқ дошта, талабот ба онҳо дар хориҷа хеле зиёд аст. Қисми зиёди ҳосилро тоҷикистониён  ба кишварҳои шимол, аз қабили Россия, Чин ва Қазоқистон содир мекунанд.

Ҳосили лимӯ дар Тоҷикистон аз охири моҳи октябр то охири декабр ҷамъоварӣ ва тақрибан нисфи он ба хориҷи мамлакат  содир мешавад.

Ноябрь 2, 2020 17:14

Хабарҳои дигари ин бахш

Сарвазири Ҷумҳурии Тоҷикистон Қоҳир Расулзода бо директори генералии «Роҳи оҳани Русия» Олег Белозёров мулоқот намуд
Ҷаласаи 82-юми Шурои маъмуриятҳои нақлиёти роҳҳои оҳани кишварҳои аъзои Иттиҳоди Давлатҳои Мустақил ба анҷом расид
Дар Хадамоти гумрук масъалаи ҷалби иштирокчиёни фаъолияти иқтисоди хориҷӣ баррасӣ гардид
Тоҷикистон ва Қатар ҳамкориро дар самти сармоягузорӣ густариш медиҳанд
«СУҒД-2025». Дар Хуҷанд Намоишгоҳи байналмилалии савдо баргузор мешавад
ТАВСИЯ БА КАДБОНУҲО. Барои омода намудани маҳсулот аз зардолу меваи бенуқсони онро интихоб намоед
Дар Тоҷикистон ҷамъоварии ангур оғоз гардид
Дар Душанбе ҷаласаи 82-юми Шурои маъмуриятҳои роҳҳои оҳани Иттиҳоди Давлатҳои Мустақил оғоз гардид
Ҳайати «Амонатбонк» дар ҷаласаи Шурои сарони бонкҳои аъзои Иттиҳоди байнибонкии СҲШ иштирок намуд
Дар Душанбе дурнамои ҳамкории Тоҷикистон ва Арманистон дар соҳаи нақлиёт баррасӣ гардид
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст