«Мактаби таҷриба»-ҳо бо иштироки нахустин наттоқи тоҷик доир гардид

Ноябрь 20, 2020 15:43

ДУШАНБЕ, 20.11.2020 /АМИТ «Ховар»/. Дар доираи таҷлили Рӯзи умумиҷаҳонии телевизион, ки ҳамасола 21 ноябр ҷашн гирифта мешавад, 20 ноябр  дар Академияи ВАО-и Тоҷикистон ҳамоиши «Мактаби таҷрибаҳо» бо иштироки аввалин наттоқи телевизиони Тоҷикистон, Корманди хизматнишондодаи маданияти Тоҷикистон, наттоқи дараҷаи олӣ Рафоат Абдусаломова доир гардид.

Дар оғози вохӯрӣ директори Муассисаи давлатии Академияи ВАО-и Тоҷикистон  Зинатуллоҳ Исмоилзода таъкид намуд, ки  “Муассисаи давлатии Академияи ВАО-и Тоҷикистон, ки бо ибтикор ва ташаббуси бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон 1 марти соли 2016 ба фаъолият оғоз кардааст,  яке аз ҳадафҳои худро дар  ташкил намудани мулоқоту суҳбатҳо бо собиқадорони соҳа мебинад. Мо лоиҳае дорем бо номи «Мактаби таҷрибаҳо», ки дар он собиқадорони соҳа аз радио, телевизион ва нашрияҳо бо  донишчуён бевосита суҳбат ва  аз таҷрибаи худ нақл мекунанд. Собиқадорон пайроҳаи эҷодии худро барои шумо бори дигар тавзеҳ медиҳанд ва ҳамчунин маслиҳату тавсияҳои худро барои рушди журналистика ва омода намудани мутахассисон барои мо арзонӣ медоранд”.

Рафоат Абдусаломова ба ҳозирон аз ҳаёту фаъолияти пурсамари хеш, рӯзҳои аввали ба телевизион омадан нақл намуд. Вай аз ҷумла гуфт, ки соли 1959 нахустин барномаи Телевизиони тоҷик пахш гардид.

“Ба ман муяссар шуд, ки барномаи аввалинро ба бинандагон пешкаш намоям.  Агар ман даҳ сол ба ҳайси наттоқ кор карда бошам, боқӣ сӣ соли дигар ҳамчун эҷодкор дар телевизион фаъолият намудам, лекин то имрӯз маро касе бинад, ана наттоқ гуфта, муроҷиат мекунанд. Ман аз ин ифтихор мекунам”,-мегӯяд Рафоат Абдусаломова.

Ноябрь 20, 2020 15:43

Хабарҳои дигари ин бахш

Ҳар ҳафта дар боғҳои фарҳангию фароғатии Душанбе барномаи мутрибони муассисаҳои Вазорати фарҳанг доир мешавад
«АЗ ЗАМИН НОНРЕЗАҲОРО ЧИДА МЕМОЛАМ БА ЧАШМ…». Ва ё рангҳои зиндагӣ дар шеъри рангини устод Мирзо Турсунзода
Дар Левакант даври шаҳрии Фестивал-озмуни ҷумҳуриявии «Андалеб-2021» ҷамъбаст шуд
Дар Хуҷанд даври шаҳрии Фестивал-озмуни «Сад ранги чакан» баргузор шуд
Ҳайати эҷодии барномаи «Поедем, поедим!»-и «НТВ»-и Россия ба Тоҷикистон омад
ИНҚИЛОБИ БУЗУРГИ ФУТБОЛ! ТАСС маводи худро дар бораи ташкили мусобиқаи нав — Суперлигаи Аврупо чунин унвон гузоштааст
Ба оилаҳои шаҳри Ваҳдат туҳфаи Пешвои миллат – китоби «Тоҷикон»-и аллома Бобоҷон Ғафуров тақдим гардид
Бақайдгирии довталабон барои дохилшавӣ ба Донишкадаи давлатии муносибатҳои байналмилалии Москва оғоз шуд
ЮНЕСКО таҷлили 1050-солагии олими бузурги асримиёнагӣ Абӯ Райҳони Беруниро маъқул донист
Ба Китобхонаи оммавии Хатлон 48 қуттӣ китобҳои Президенти Ҷумҳурии Тоҷикистон — «Китобнома» супорида шуд
«Мирзо Турсунзода ва Ҳиндустон». Таҳти чунин унвон дар Осорхонаи миллии Тоҷикистон намоиш ва конфронси илмӣ доир шуд
Дар шаҳри Хуҷанд мактаби «Оксфорд» бунёд мегардад

Маводҳои таҳлилӣ