«ШАХСИЯТИ ЭМОМАЛӢ РАҲМОН БО ТАЪРИХИ ТОҶИКИСТОН ТАВЪАМ АСТ». Чунин мешуморад сиёсатшиноси рус, мудири шуъбаи Осиёи Миёна ва Қазоқистони Пажӯҳишгоҳи кишварҳои ИДМ Андрей Грозин
ДУШАНБЕ, 17.11.2020 /АМИТ «Ховар»/. «Тоҷикистон ҳамчун давлати соҳибихтиёр ва мустақил қариб ҳамеша зери роҳбарии Эмомалӣ Раҳмон мавҷуд будааст. Шахсияти президенти амалкунандаро аз таърихи муосири Тоҷикистон ҷудо кардан ғайриимкон аст», — изҳор намуд Андрей Грозин, мудири шуъбаи Осиёи Миёна ва Қазоқистони Пажӯҳишгоҳи кишварҳои ИДМ, ходими калони илмии Пажӯҳишгоҳи шарқшиносии Академияи илмҳои Россия, доктори илмҳои таърих зимни мусоҳиба бо Sputnik дар арафаи Рӯзи Президенти Ҷумҳурии Тоҷикистон, ки дирӯз таҷлил шуд.
Ба ақидаи ӯ, Тоҷикистони имрӯза — парвардаи дасти Эмомалӣ Раҳмон аст.
Коршинос илова намуд, ки теъдоди зиёди «маҳдудият» садди роҳи рушди ҷумҳурӣ мебошанд.
«Инҳо сохтори иқтисодиёт, фишори демографӣ ва инчунин мероси ҷанги шаҳрвандӣ, ки иқтисоди Тоҷикистонро комилан хароб намуд, мебошанд. Дар чунин шароит роҳбарӣ намудани кишвар хеле мушкил аст», — гуфт А. Грозин, коршиноси масоили амнияти миллӣ ва ҳамкории баргузидагон дар кишварҳои пасошӯравии Осиё.
Ба қавли сиёсатшиноси рус, он ки Тоҷикистон дар даҳсолаи охир ба масири рушди мӯътадил ворид шудааст — ин хидмати Эмомалӣ Раҳмон ва одамонест, ки вай ба дастаи худ ҷалб кардааст.
«Ба Эмомалӣ Шарипович даъвоҳои зиёд пешкаш карда мешаванд, ки гӯё ӯ кадом кореро нодуруст кардааст ё чизеро то ба охир нарасонидааст. Вале аз дур истода, ҳукм кардан ҳама метавонанд. Ба ҳама чиз бояд бо дидаи ақл нигарист ва мунсифона баҳо дод”, — афзуд ӯ.
Ба ақидаи Грозин: «Эмомалӣ Раҳмон комилан сарвари муваффақ ва мусбат мебошад. Интихоботи гузаштаи президентӣ ба таври возеҳ нишон дод, ки барои аксари шаҳрвандони Тоҷикистон маҳз субот арзиши умда, асосӣ ва баҳснопазир аст».
«Субот дар Тоҷикистон маҳз ба шахсияти президенти амалкунанда рабт дода мешавад», — зикр намуд ӯ.
АКСИ: Sputnik
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
