Дар коргоҳи нави дӯзандагии ноҳияи Исмоили Сомонии пойтахт 25 нафар бонувони хонанишин бо кор таъмин гардиданд
ДУШАНБЕ, 18.12.2020 /АМИТ «Ховар»/. Дар маҳаллаи Чашмасори ноҳияи Исмоили Сомонии шаҳри Душанбе аз ҷониби Ҷамъияти дорои масъулияти маҳдуди «Ноҳид» коргоҳи дӯзандагӣ ба фаъолият оғоз намуд. Дар коргоҳи мазкур зиёда аз 25 нафар бонувони хонанишини пойтахт бо ҷойи кори доимӣ таъмин гардиданд. Дар маросими кушодашавии ин корғоҳ намояндагони Кумитаи кор бо занон ва оила, мақомоти иҷроияи ҳокимияти давлатии ноҳияи Исмоили Сомонӣ иштирок доштанд. Дар ин бора муовини Раиси ноҳияи Исмоили Сомонӣ Наргис Шарифзода ба АМИТ «Ховар» хабар дод.
«Тибқи дастуру супоришҳои Пешвои миллат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ баҳри касбу ҳунаромӯзии занону духтарони хонашин ва бо ҷойи кор таъмин намудани онҳо дар пойтахт тадбирҳои зарурӣ андешида шуда, ба кор даромадани коргоҳи мазкур низ аз ҷумлаи онҳост»,- иброз намуд муовини Раиси ноҳияи Исмоили Сомонӣ Наргис Шарифзода.
«Корхонаи навбунёд бо дастгоҳҳои муосири дӯзандагӣ, ки даҳҳо амалиётро анҷом медиҳанд, ҷиҳозонида шудааст. Аз ин рӯ, дар навбати аввал 25 нафар занони маҳаллӣ ба кор ҷалб гардида, ба онҳо мутахассисони соҳибтаҷриба тарзи истифода аз ин дастгоҳҳоро меомӯзонанд. Коргоҳи дӯзандагӣ дар доираи эълон гардидани Солҳои рушди деҳот, сайёҳӣ ва ҳунарҳои мардумӣ ба истифода дода шуд»,-афзуд номбурда.
Ёдовар мешавем, ки ду рӯз пеш бо ташаббуси мақомоти иҷроияи ҳокимияти давлатии шаҳри Душанбе ва дастгирии Раиси шаҳри Душанбе муҳтарам Рустами Эмомалӣ дар доираи эълон гардидани Солҳои рушди деҳот, сайёҳӣ ва ҳунарҳои мардумӣ барои 80 нафар духтарону бонувони пойтахт дар заминаи Корхонаи воҳиди давлатии «Маркази касбомӯзии шаҳри Душанбе» давоми як моҳ курси омӯзишии «Бонуи ҳунар» ташкил карда шуд.
Ташкили курсҳои омӯзишӣ ба соҳибкасб намудани занону бонувон, рушди ҳунарҳои мардумӣ, дастгирии занону бонувон аз оилаҳои ниёзманд ва мусоидат ба беҳдошти вазъи иҷтимоии занону духтарон равона гардидааст.
Соли равон дар пойтахт аз ҷониби мақоми шаҳрии ваколатдори соҳа 2166 нафар занону бонувон ба курсҳои омӯзишӣ ҷалб карда шуданд, ки нисбат ба ҳамин давраи соли гузашта 410 нафар зиёд мебошад.
Муовини Сарвазири Тоҷикистон бо фаъолияти хоҷагиҳои кишоварзӣ, ҷамъоварии пахта ва ҷараёни кишти такрорӣ дар шаҳри Ҳисор шинос шуд
Ҳайати Тоҷикистон дар Машварати 10-уми вазирони кишоварзии Созмони ҳамкории Шанхай иштирок намуд
НАСБИ ПАНЕЛҲОИ ОФТОБӢ ДАР БИНОҲОИ НАВСОХТ ҲАТМӢ ГАРДИД. Истифодаи неруи Офтоб дар нақлиёти барқӣ низ муфид аст
Ҳамкории Тоҷикистону Узбекистон дар мубориза бо коррупсия тақвият меёбад
НИШАСТИ МАТБУОТӢ. Ҳаҷми истеҳсоли неруи барқ дар Тоҷикистон беш аз 8,9 миллиард кВт-соатро ташкил дод
Тоҷикистон ва Беларус густариши ҳамкории тиҷоратию иқтисодӣ ва кишоварзиро баррасӣ намуданд
200 нафар занони соҳибкор аз грантҳои Президенти Ҷумҳурии Тоҷикистон бархурдор мегарданд
Дар беш аз 500 гектар замини хоҷагиҳои ҷамоавӣ ва деҳқонии Тоҷикистон боғу токзори нав бунёд гардидааст
Фарҳод Раҳимӣ: «Иқдоми стратегии Президенти Тоҷикистон доир ба зеҳни сунъӣ дар сатҳи ҷаҳонӣ хеле саривақтӣ аст»
Корхонаҳои саноатии Хуҷанд ба маблағи 214,7 миллион сомонӣ маҳсулот содирот намудаанд
Гурӯҳи кории Бонки рушди Осиё бо имконоти сармоягузорӣ ва инфрасохтори Минтақаи озоди иқтисодии «Данғара» шинос шуд
Дар Пекин дафтари намояндагии Палатаи савдо ва саноати Ҷумҳурии Тоҷикистон ифтитоҳ гардид
