Филми «Сафарнома: ёддоштҳо дар пайроҳаи мерос» дар кинофестивали байналмилалӣ иштирок мекунад
ДУШАНБЕ, 12.12.2020 /АМИТ «Ховар»/. Филми мустанади «Сафарнома: ёддоштҳо дар пайроҳаи мерос» моҳи январи соли 2021 дар озмуни филмҳои маънавию ахлоқии XIX кинофестивали байналмилалии шаҳри Даккаи Бангладеш иштирок мекунад. Дар ин бора коргардони филм Шарофат Арабова ба хабарнигори АМИТ «Ховар» иттилоъ дод.
Кинофестивали мазкур яке аз калонтарин ҳамоишҳои кинои Бангладеш ба ҳисоб меравад.
Филми мазкур дар Муассисаи давлатии «Тоҷикфилм» бо коргардонии Шарофат Арабова таҳия гардидааст. Ин филм ёддоштҳо ва нигоштаҳое дар роҳанд, ки баҳори соли 2019 дар ноҳияҳои Шаҳритус, Қубодиён, Дӯстӣ, Носири Хусрав, Бохтар ва Ҳисор чун филми мушоҳидаҳо ва андешаҳои муаллиф оид ба сарчашмаҳои фарҳанги маънавии тоҷикон ба навор гирифта шудааст.
Тавре коргардон Шарофат Арабова дар суҳбат иброз намуд, дар филми мазкур мусиқии класикии тоҷик «Шашмақом», аз ҷумла мақомҳои «Рост» ва «Наво», ки сохторашон тамсилан ба роҳ монанд аст, истифода мешаванд. Ҳамсуҳбати мо афзуд, ки дар озмуни филмҳои маънавию ахлоқии XIX кинофестивали байналмилалии шаҳри Даккаи Бангладеш филми «Сафарнома: ёддоштҳо дар пайроҳаи мерос» ба таври онлайн иштирок хоҳад кард.
Ёдовар мешавем, ки филми мустанад инчунин дар озмуни байналмилаии филмҳои баланди мустанад дар кинофестивали байналмилалии «Дидор» соли 2019 низ иштирок намуд.
«ЧЕҲРАИ МИЛЛАТ». Таҳти чунин унвон ба ифтихори Рӯзи Президент китоб ба нашр расид
Ҳунарҳои миллӣ бо усули «хона ба хона», «деҳа ба деҳа» ва «маҳал ба маҳал» тарғиб карда мешаванд
Симпозиуми байналмилалии «Хутали қадим- пойгоҳи зуҳури забони тоҷикӣ, тамаддуни бостонӣ ва ирфонии минтақаи Осиёи Марказӣ» баргузор мегардад
Дар Иёлоти Муттаҳидаи Амрико Рӯзҳои фарҳанги Тоҷикистон баргузор мегарданд
ТЕАТР — ОИНАИ ЗИНДАГӢ. Дар Душанбе шаш театри касбӣ фаъолият мекунад
7 НОЯБР- РӮЗИ ТЕАТРИ ТОҶИК. Театри миллии Тоҷикистон бо шароити ҷавобгӯ ба талаботи сатҳи ҷаҳонӣ бунёд гардида истодааст
Ба ифтихори Рӯзи Конститутсия дар Осорхонаи миллӣ сайри осорхонавӣ ташкил гардид
Туҳфаи арзандаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Ёвон расид
Дар Вазорати фарҳанг бахшида ба Рӯзи Конститутсияи Тоҷикистон ҳамоиши илмӣ доир шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
Дар Душанбе оид ба саҳми Давлатманд Холов дар рушди санъати мусиқии тоҷик маҳфили адабӣ – фарҳангӣ доир шуд
Ба сокинони ноҳияи Данғара туҳфаи Пешвои миллат – «Шоҳнома»-и Абулқосим Фирдавсӣ такдим мегардад
