ФУТБОЛ. Тоҷикистон дар раддабандии нави FIFA як зина боло шуд

Декабрь 1, 2020 15:31

ДУШАНБЕ,01.12.2020/АМИТ «Ховар»/. Дар феҳристи нави FIFA, ки 26 ноябр чоп шуд, Тоҷикистон як зина боло баромад ва ҷои мавқеи 121-умро касб намуд, хабар медиҳад АМИТ «Ховар» бо истинод ба сомонаи ин созмон.

Белгия бо 1780 имтиёз ҷойи аввалро касб намудааст. Фаронса бо 1755 имтиёз дар зинаи дувум ва Бразилия бо 1743 имтиёз дар зинаи севум ҷойгир шудаанд.

Тоҷикистон дар феҳристи нав соҳиби 1143 имтиёз гаштааст, ки нисбат ба моҳи гузашта панҷ имтиёз бештар аст. Мунтахаби Тоҷикистон дар байни кишварҳои Шӯравии собиқ аз Қазоқистон (122-юм), Литва (129-ум), Туркманистон (132-юм), Латвия (136-ум) ва Молдова (177-ум) пеш аст.

Дар байни дастаҳои мунтахаби миллии Осиё, ки ба AFC (Конфедератсияи футболи Осиё) шомиланд, Тоҷикистон мақоми 22-юмро соҳиб шудааст. Дар Осиё Ҷопон дар мақоми аввал (дар ҷаҳон бо 1502 имтиёз дар зинаи 27-ум) қарор дорад. Эрон  ҷои дуюм (дар ҷаҳон 29-ум, 1496 имтиёз) ва Кореяи Ҷанубӣ ҷои севум (дар ҷаҳон 38-ум, 1465 имтиёз)-ро   соҳиб шудаанд.

Аз байни кишварҳои пасошӯравӣ зинаҳои баландро дар феҳристи FIFA Украина (24-ум, 1528 имтиёз), Россия (39-ум, 1461 имтиёз) ва Ӯзбекистон (85-ум, 1283 имтиёз) ба даст овардаанд.

Феҳристи FIFA аз соли 1993 ба ин сӯ тартиб дода мешавад. Он 22 декабри соли ҷорӣ аз нав   таҷдид мегардад.

Феҳристи FIFA аз 26-уми ноябри соли 2020:

  • Белгия – 1780 имтиёз;
  • Франсия — 1755;
  • Бразилия — 1743;
  • Англия — 1670;
  • Португалия — 1662;
  • Испания — 1645;
  • Аргентина — 1642;
  • Уругвай — 1639;
  • Мексика — 1632;
  • Италия — 1625.

Кишварҳои пасошӯравӣ:

  • Украина – 1528 имтиёз;
  • Россия — 1461; — 39-ум
  • Ӯзбекистон — 1283; 85-ум
  • Беларус — 1269; 88-ум
  • Гурҷистон — 1267; 89-ум
  • Қирғизистон — 1240; — 96-ум
  • Арманистон — 1233; 99-ум
  • Эстония — 1180; 109-ум
  • Озарбойҷон — 1180; 110-ум
  • Тоҷикистон — 1143; 121-ум
  • Қазоқистон — 1142; 122-юм
  • Литва — 1114; 129-ум
  • Туркманистон — 1107; 132-юм
  • Латвия — 1082; 136-ум
  • Молдова — 950, 177-ум.
Декабрь 1, 2020 15:31

Хабарҳои дигари ин бахш

Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
Бахшида ба Рӯзи байналмилалии ҳифзи ёдгориҳои таърихию фарҳангӣ конференсияи илмӣ-назариявӣ доир мешавад
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид