ҚАБИЛАИ ДУГОНИКҲО, КИ СОҲИБИ ЧЕҲРАИ ХУД ШУДАНД. Театри Хоруғ ба кӯдакон ва наврасон намоиши ҷолиберо аз рӯи пйесаи Мансур Суруш пешниҳод намуд
ДУШАНБЕ, 06.01.2021 /АМИТ «Ховар»/. Санъаткорони Театри вилоятии мусиқӣ- мазҳакавии Хоруғ ба номи Меҳрубон Назаров ба кӯдакон ва наврасон намоиши ҷолиберо аз рӯи пйесаи Мансур Суруш «Қабилаи дугоникҳо» тақдим намуданд. Коргардон — басаҳнагузорандаи он Умед Хусравов мебошад.
Дар намоиш сухан дар бораи қабилае меравад, ки дар он одамон бо ҷодуи Деви даҳшатнок, ки онҳоро ғулом кардааст, ҳама як чеҳраро гирифтаанд, то агар бигурезанд, шинохта ва баргардонида шаванд. Аммо як чӯпони ҷавон, ки нақши ӯро Ҷобиршо Хубоншоев бозидааст, дар кӯҳҳо чашмаи муқаддаси ҳаётбахш меёбад. Пас аз шустушӯ дар оби он ҳар шахс аз қабила чеҳраи худро пайдо мекунад. Баъд одамон муттаҳид шуда, Деви асиркунандаро шикаст доданд ва аз юғи ғуломӣ раҳо ёфтанд.
Ғояи худшиносии миллӣ, муҳаббат ба сарзамини ниёгон ва рағбати абадии одамон ба озодӣ асоси намоишро ташкил медиҳанд. Воқеан, маҳз ҳамин идея аз тамоми нутқҳо ва суханрониҳои Президенти Тоҷикистон, Пешвои миллат муҳтарам Эмомалӣ Раҳмон ҳамчун хати сурх мегузарад.
Театри Хоруғ қаблан ба эҷодиёти нависанда, драматург, рӯзноманигор ва тарҷумон, лауреати ҷоизаҳои ба номи С. Айнӣ ва А. Лоҳутӣ, шореҳи адабии АМИТ «Ховар» Мансур Суруш муроҷиат карда буд. Пештар дар ин театр тамошобинон намоишеро бо номи «Вирод» дида буданд, ки маънояш дар тарҷума аз забони шуғнонӣ «Бародар» аст.
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
