Аккоси тоҷик, собиқ суратгири АМИТ «Ховар» Дидор Саъдуллоев дар озмуни ЮНЕСКО ғолиб омад
ДУШАНБЕ, 06.01.2021 /АМИТ «Ховар»/. Суратгири моҳири тоҷик, собиқ аксбардори АМИТ «Ховар» Дидор Саъдуллоев дар озмуни «Тақвими соли 2021-и ЮНЕСКО» («Календарь ЮНЕСКО 2021») иштирок намуда, ғолиб омад. Инак се акси Дидорро дар рӯйи «Тақвими соли 2021-и ЮНЕСКО» мегузоранд.
Номбурда дар суҳбат бо хабарнигори АМИТ «Ховар» иброз намуд, ки «18 ноябри соли 2020 намояндагии ЮНЕСКО дар Алмато озмуни беҳтарин аксҳои мероси фарҳангӣ ва табиии Осиёи Марказиро таҳти унвони «Тақвими соли 2021-и ЮНЕСКО» эълон карда буд. “Ман низ дар он иштирок намуда, аксҳои манзараҳои зебои Тоҷикистонро пешниҳод намудам”.
Ба гуфтаи Дидор, имрӯз аз натиҷаи озмун ба ӯ хабар дода шуд. “Дар хабарнома гуфта шудааст, ки аксҳои фиристодаи ман қабул гардидаанд ва рӯйи «Тақвими соли 2021-и ЮНЕСКО» гузошта мешаванд”,-афзуд Д. Саъдуллоев.
Ғолибони озмун бо шаҳодатномаи ЮНЕСКО ва туҳфаҳои хотиравӣ сарфароз гардонида мешаванд.
Хотиррасон мешавем, ки Дидор Саъдуллоев соли 1981 дар шаҳри Душанбе ба дунё омадааст. Мактаби миёна ва факултаи физика ва математикаи Донишгоҳи миллии Тоҷикистонро хатм кардааст. Солҳои 2014—2015 дар факултаи аккосии Донишгоҳи давлатии тарроҳӣ ва текноложии Маскав таҳсил карда ва ихтисоси аккос/хабарнигорро соҳиб шудааст. Дар Агентии миллии иттилоотии Тоҷикистон «Ховар», ҳафтаномаи «Тоҷикистон» ва бархе нашрияҳои маҳаллӣ дар Россия ба сифати аккос кор кардааст. Аз соли 2014 то ҳоло дар Бошқирдистон ва шаҳрҳои Маскав, Алмаато ва Душанбе чанд намоиши аксҳояш баргузор шудааст. Ахиран дар Қазоқистон барандаи ҷоизаи озмуни минтақаии Созмони байналмилалии муҳоҷират (IOM) дар мавзӯи муҳоҷират шудааст.
Аз 29 декабри соли 2017 узви Иттифоқи журналистони Тоҷикистон мебошад.
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
