Ҳунарманди мардумии Тоҷикистон Қурбоналӣ Абдулло аз олам даргузашт

Январь 12, 2021 09:00

ДУШАНБЕ, 12.01.2021 /АМИТ «Ховар»/. 11 январ овозхони маъруф, Ҳунарманди мардумии Тоҷикистон Қурбоналӣ Абдуллоев дар 57-солагӣ аз олам даргузашт. Маросими дафнаш имрӯз дар шаҳри Ваҳдат баргузор мешавад.

Қурбоналӣ Абдуллоев 23 апрели соли 1963 дар деҳаи Купрӯкбошии шаҳри Ваҳдат (собиқ ноҳияи Орҷонкидзеобод)  ба дунё омадааст. Аз синфи чорум дар маҳфили овозхонҳои ҷавони мактаб ширкат мекард. Соли 1977 озмуни ҷумҳуриявии овозхонҳои наврас баргузор гардид, ки дар он ғолиб гардид.

Мавсуф дар Мактаби мусиқии ба номи Малика Собирова то соли 1983 таҳсили мусиқиро идома додааст. Сипас ба Донишкадаи олии санъати ба номи Мирзо Турсунзода дохил шудааст. Ду сол дар вилояти Мурмански Федератсии Россия   хизмат карда, дар он ҷо ҳам аз ҳунари овозхонӣ дур набуд. Дар оркестри нафасии қисми низомӣ сози баритон менавохт ва ҳамзамон роҳбари бадеии ансамбли эстрадии қисми низомӣ буд. Дар радиои вилоятии Мурманск нуҳ таронаи тоҷикӣ сабт кардааст.

Баъди адои хизмат дар артиш боз таҳсилро дар шуъбаи мутрибии факултети мусиқии тоҷик дар Донишкадаи санъат ва фарҳанг давом дода, дутори бас менавохт, вале бисёртар ба овозхонӣ машғул буд. Дар факултет инчунин ансамбли созҳои миллӣ-суннатӣ вуҷуд дошт, ки роҳбараш Муҳаммадқул Ҷумъаев буд. Дар ин ансамбл ҳам солист- овозхониро ба уҳа дошт.  Пас аз хатми донишкада дар ансамбли «Дарё»-и Кумитаи телевизион ва радиои назди Ҳукумати Ҷумҳурии Тоҷикистон кор карда, аз соли 2015 то дами охир бознишаста буд.

Қурбоналӣ Абдуллоев аз ҷумлаи он сарояндаҳоест, ки тарзу шеваи овозхонии хоси худро дошта, бештар бо сароидани сурудҳои мардумӣ ва бадеҳа машҳур аст. Ӯро бо сурудҳои «Қишлоқаки ман», «Чашмам масти ту бошад», «Душанбе», «Лайло», «Санамо», «Аввалин ишқам ту будӣ» ва «Чеҳраи хаёл» мешиносанд.

Январь 12, 2021 09:00

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд