Донишманди тоҷиктабор Абдуқодир Тошқулов Вазири таҳсилоти олӣ ва миёнаи махсуси Ӯзбекистон таъин шуд
ДУШАНБЕ, 14.01.2021 /АМИТ «Ховар»/. Президенти Ӯзбекистон Шавкат Мирзиёев имрӯз, 14 январ Абдуқодир Тошқулов, собиқ ректори Донишгоҳи давлатии Тирмиз ва узви Сенати ин кишварро Вазири нави таҳсилоти олӣ ва миёнаи махсус таъин намуд, хабар медиҳад АМИТ “Ховар” бо истинод ба Агентии миллии иттилоотии «УзА».
Бино ба иттилои манбаъ, Инъомҷон Маҷидов, ки қаблан Вазорати таҳсироти олӣ ва миёнаи махсусро роҳбарӣ мекард, ректори Донишгоҳи миллии Ӯзбекистон таъин шуд.
Маврид ба зикр аст, ки Абдуқодир Тошқулов миллаташ тоҷик мебошад. Ӯ 29 августи соли 1976 дар ноҳияи Бойсуни вилояти Сурхондарёи Ӯзбекистон таваллуд шудааст. Соли 1998 факултаи молия ва қарзи Донишгоҳи давлатии Тирмизро хатм карда, фаъолияти меҳнатиашро ба ҳайси устоди кафедраи молия ва низоми андози ин донишгоҳ оғоз намудааст. Номзади илмҳои иқтисодӣ, дотсент, узви Ҳизби либерал-демократии Ӯзбекистон мебошад.
Тошқулов дар охири соли 2016 дар арафаи интихобот шахси боэътимоди номзад ба мансаби президентӣ Шавкат Мирзиёев дар вилояти Сурхондарё буд. Моҳи сентябри 2017 ӯ ректори Донишгоҳи давлатии Термиз ва пас аз як сол узви Сенат шуд.
Абдуқодир Тошқулов дар интихоботи парлумонӣ ва президентии Ҷумҳурии Тоҷикистон, ки мутаносибан 1 март ва 11 октябри соли 2020 баргузор шуданд, ба ҳайси нозир аз Ӯзбекистон ҳузур дошт.
АКСҲО аз «УзА» ва «Спутник»
Оид ба Наврӯз ва ҳамбастагии олимону адибони Тоҷикистон ва Афғонистон маҳфили илмию фарҳангӣ доир шуд
Дар Душанбе Фестивал-озмуни ҷумҳуриявии театрҳои касбӣ «Парасту» баргузор мегардад
Бахшида ба Даҳаи муаррифии илми академии тоҷик дар Институти астрофизика конференсия доир шуд
Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
Бахшида ба Рӯзи байналмилалии ҳифзи ёдгориҳои таърихию фарҳангӣ конференсияи илмӣ-назариявӣ доир мешавад
Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
