Хатлон. Дар соли 2021 ба хонандагон-ғолибони Озмуни ҷумҳуриявии «Фурӯғи субҳи доноӣ китоб аст» ва омӯзгорон мукофотпулӣ дода мешавад
ДУШАНБЕ, 25.01.2021 /АМИТ «Ховар»/. Ҳар муҳаққиқе, ки соли 2021 рисолаи номзадӣ дифоъ мекунад, ба роҳбари илмии ӯ низ дар ҳаҷми 5000 сомонӣ мукофотпулӣ дода мешавад. Инчунин дар баробари ҳар ғолиби даври ҷумҳуриявии Озмуни ҷумҳуриявии «Фурӯғи субҳи доноӣ китоб аст» дар соли 2021 ба омӯзгорон низ мукофотпулӣ дода мешавад. Ин нуктаро 23 январ дар маросими таҷлили ҷашни Сада дар толори Театри вилоятии ба номи Ато Муҳаммадҷонови шаҳри Бохтар раиси вилояти Хатлон иброз намуд. Дар ин бора АМИТ «Ховар» бо истинод ба шуъбаи иттилооти раиси вилояти Хатлон иттилоъ медиҳад.
Дар ин маросим ғолибони Озмуни ҷумҳуриявии «Фурӯғи субҳи доноӣ китоб аст», олимону муҳаққиқоне, ки дар соҳаҳои илмҳои дақиқ, табиатшиносӣ, риёзӣ ва тиб рисолаҳои докторию номзадӣ дифоъ кардаанд, инчунин барандаҳои гранти раиси вилояти Хатлон бо Сипоснома ва туҳфаҳо сарфароз гардиданд.
Зикр гардид, ки аз вилоят дар Озмуни ҷумҳуриявии «Фурӯғи субҳи доноӣ китоб аст» 5100 нафар иштирок карда, аз ин теъдод 637 нафар ба даври вилоятӣ роҳхат гирифтанд. Даври вилоятии озмун дар ду минтақа- шаҳрҳои Бохтар ва Кӯлоб дар сатҳи баланд баргузор ва натиҷагирӣ карда шуда, 83 нафар бо Диплом, Ифтихорнома, маблағҳои пулӣ ва 101 нафар бо Сипосномаи мақомоти иҷроияи ҳокимияти давлатии вилояти Хатлон сарфароз гардонида шуданд.
Дар даври ҷумҳуриявии озмун аз вилояти Хатлон 92 нафар ширкат намуда, ба гирифтани 20 ҷой, 1 ҷойи якум, 7 ҷойи дуюм, 12 ҷойи сеюм мушарраф гардида, бо диплом ва маблағҳои пулӣ сарфароз гардонида шуданд. Мақомоти иҷроияи ҳокимияти вилоят ғолибони ҷойи якумро бо 10 ҳазор сомонӣ, ҷойи дуюмро бо 7 ҳазор сомонӣ ва ҷойи сеюмро бо 5 ҳазор сомонӣ қадршиносӣ намуд.
Ҳамчунин дар ин маросим 21 нафар ғолибони озмун грантҳои нави раиси вилояти Хатлонро барои соли 2021 дар ҳаҷми аз 8000 то 20000 сомонӣ дастрас намуда, бо Ифтихорнома сарфароз гардиданд.
Инчунин ба 14 нафар муҳаққиқоне, ки дар соҳаҳои тиб, илмҳои табиатшиносӣ, дақиқ ва риёзӣ ба дарёфти дараҷаҳои илмии доктор ва номзади илмҳо шарафёб гардидаанд, дар ҳаҷми 5000 ва 10000 сомонӣ ва мукофоти ҳавасмандгардонии мақомоти иҷроияи ҳокимияти давлатии вилояти Хатлон тақдим шуд.
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Дар Австрия барои шаҳрвандони Тоҷикистон Озмуни ҷумҳуриявии «Фурӯғи субҳи доноӣ китоб аст» гузаронида мешавад
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
