Саршумори гавазни бухороӣ дар парваришгоҳи «Ромит» афзудааст

Январь 5, 2021 16:26

ДУШАНБЕ, 05.01.2021 /АМИТ «Ховар»/. Дар парваришгоҳи «Ромит» саршумори гавазни бухороӣ, ки ба Китоби сурхи Тоҷикистон ворид гардидааст, ба 23 сар расонида шуд, хабар медиҳад хабарнигори АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.

Ин комёбӣ дар натиҷаи андешидану амалӣ намудани тадбирҳои мушаххас, аз ҷумла таъмини иҷрои банди 8 нусха аз протоколҳои маҷлиси Ҳукумати Ҷумҳурии Тоҷикистон оид ба афзунгардонии ҳайвоноти нодир, барқароркунии популятсияи гавазни бухороӣ дар резервати биосферии «Ромит» ва зиёд намудани саршумори ҳайвони нодир- гавазни бухороӣ дар резервати биосферии «Ромит» ба даст омадааст.

Ҳолати инкишоф ва мутобиқшавии гавазнҳои навзод ба муҳити экосистемаи резервати «Ромит» муътадил буда, қобилияти вазнгирӣ ва афзоиши табиии онҳо мувофиқи хусусиятҳои биологии намуди гавазни бухороӣ хуб аст. Айни замон масоҳати парваришгоҳ аз 5,5 га ба 10 га расонида шуд.

Ҳадафи асосии ташкили парваришгоҳи гавазни бухороии резервати биосферии «Ромит» барқарор намудани саршумори  гавазни бухороӣ мебошад, ки ба Китоби сурхи Тоҷикистон ворид гардидааст. Ҳамзамон зиёд намудани ҳайвоноти нодир ва афзун гардонидани макони зисти гавазни бухороӣ дар ҳавзаи дарёи Кофарниҳон ва таъмини шароити устувор барои онҳо сабаби  барқароркунии захираҳои гуногунии биологӣ ва рушди сайёҳии экологӣ мегардад.

Шумораи гавазни бухороӣ соли 1999 дар Тоҷикистон ба 400 сар мерасид. Алҳол теъдоди он ба маротиб кам гардидааст. Шумораи бештари чунин ҳайвони ширхӯр имрӯзҳо дар мамнуъгоҳи давлатии табиии «Бешаи палангон» ҳифз карда мешавад. Гавазни бухороӣ бештар дар кишварҳои Осиёи Марказӣ дида шуда, шумораи он соли 2011 ба 1600 адад мерасид.

Қисмати зиёди саршумори гавазни бухороӣ дар Тоҷикистон маҳфуз мондааст.

Январь 5, 2021 16:26

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд