ТАҚВИМИ АМИТ «ХОВАР»: имрӯз 17 январ, якшанбе, 17-умин рӯзи соли 2021 аст

Январь 17, 2021 08:00

17 январи соли 2014  Президенти Ҷумҳурии Тоҷикистон Эмомалӣ Раҳмон  дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон фармон ба имзо расониданд.

 17 ЯНВАР ТАҶЛИЛ КАРДА МЕШАВАД:

 Рӯзи байналмилалии ихтирооти кӯдакон.

РӮЙДОДҲО:

17 январи соли 2013 дар шаҳри Душанбе вакилони палатаи поёнии Парлумони Тоҷикистон – Маҷлиси намояндагон Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин оид ба низоми сарҳади давлатии Тоҷикистону Чинро тасдиқ карданд.

***

101 сол муқаддам, 17 январи соли 1920 дар Россияи Шӯравӣ расман ҳукми қатл бекор карда шуд.

***

Дар ин рӯзи соли 1950 Ҳизби коммунистии Боливия таъсис дода шуд.

***

17 январи соли 1995 дар шаҳри Кобеи Япония дар пайи залзилаи шадид зиёда аз 6 ҳазору 400 нафар ба ҳалокат расиданд.

ИНЧУНИН ДАР ИН РӮЗ …

Соли 2017 дар маркази маъмурии вилояти Суғд-шаҳри Хуҷанд филиали КВД «Коргоҳи протезӣ ва ортопедӣ» ифтитоҳ гардид.

Январь 17, 2021 08:00

Хабарҳои дигари ин бахш