ДАР РОБИТА БА ПАНДЕМИЯИ COVID-19. Бо дастури Президенти Тоҷикистон дар сохтори Донишгоҳи тиббӣ тағйирот ворид карда шуд
ДУШАНБЕ, 09.02.2021 /АМИТ «Ховар»/. Дар сохтори Донишгоҳи давлатии тиббии Тоҷикистон ба номи Абӯалӣ ибни Сино тағйирот ворид карда шуд. Тавре АМИТ «Ховар» иттилоъ медиҳад, ректори ДДТТ Маҳмадшоҳ Гулзода зимни нишасти хабарии ҳисоботӣ дар Душанбе дар ин маврид изҳори назар кардааст.
Ба гуфтаи ӯ, мутобиқи дастурҳои Президенти Тоҷикистон, Пешвои миллат муҳтарам Эмомалӣ Раҳмон дар робита бо хуруҷи пандемияи коронавирус ва паҳн шудани дигар бемориҳои сироятӣ дар сохтори донишгоҳ баъзе тағйирот ворид карда шуд.
«Факултаи тандурустии ҷамъиятӣ ба факултаи тибби пешгирикунанда табдил дода шуд», — гуфт роҳбари ДДТТ. — Ғайр аз ин, бори аввал дар донишгоҳ таҷрибаомӯзӣ аз рӯи ихтисосҳои нав ташкил карда шуд. Ба шаклҳои мавҷудаи коромӯзӣ «Вирусология», «Микробиология» ва «Эпидемиология» илова шуданд.
Ректори Донишгоҳи давлатии тиббии Тоҷикистон инчунин гуфт, ки биноҳои факултаи химия ва маркази стоматологии донишгоҳ аз таъмири асосӣ бароварда шуданд. Дар мавриди бинои нави муассисаи таълимӣ, ки аз ҳисоби маблағҳои худӣ сохта мешавад, зикр кард, ки он дар арафаи 30-солагии Истиқлоли давлатии Тоҷикистон ба истифода дода мешавад.
АКС аз бойгонӣ
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
