Дороиҳо ва сармояи «Амонатбонк» афзоиш ёфта, пардохтпазирияш дар сатҳи баланд нигоҳ дошта шудааст
ДУШАНБЕ, 09.02.2021 /АМИТ «Ховар»/. Новобаста ба мушкилоти соли 2020 пардохтпазирии Бонки давлатии амонатгузории Ҷумҳурии Тоҷикистон «Амонатбонк» дар сатҳи баланд нигоҳ дошта шуда, маблағҳо сари вақт ба ҳисобҳои дахлдор гузаронида шуданд. Ҳамзамон дороиҳо ва сармояи «Амонатбонк» афзоиш ёфтааст. Дар ин хусус Раиси бонки давлатии амонатгузории Ҷумҳурии Тоҷикистон «Амонатбонк» Сироҷидиин Икромӣ имрӯз ба намояндагони расонаҳои хабарӣ дар нишасти матбуотӣ иттилоъ дод.
Сироҷиддин Икромӣ афзуд, ки то 31 декабри соли 2020 дороиҳои «Амонатбонк» 4,9 миллиард сомонӣ ва уҳдадориҳои бонк 4,5 миллиард сомониро ташкил доданд, ки дар қиёс ба соли 2019 мутаносибан 19,4 % ва 20,9 % зиёд мебошад.
Инчунин соли гузашта сармояи «Амонатбонк» 6,8 фоиз афзоиш ёфта, ба 458 миллион сомонӣ баробар шудааст. Даромади софи бонк дар ин давра 51,3 миллион сомониро ташкил намуд, ки нисбат ба соли 2019 22 фоиз зиёд аст. Раиси «Амонатбонк» гуфт, ки бонк аз рӯи фаъолияти худ ба андозаи 96,3 миллион сомонӣ андозу пардохтҳои ҳатмиро ба буҷети давлатӣ пардохт намудааст, ки дар қиёс нисбат ба соли 2019 15, 7 миллион сомонӣ ва ё 19,5 фоиз зиёд мебошад.
Зимни натиҷагирӣ аз фаъолияти «Амонатбонк» роҳбари бонк таъкид кард, ки ҳоло Бонки давлатии амонатгузории Ҷумҳурии Тоҷикистон «Амонатбонк» ба зиёда аз 22 ҳазор корхонаю ташкилот, беш аз 750 ҳазор нафар нафақагирони мақомоти ҳифзи иҷтимоии аҳолӣ, ҳифзи ҳуқуқ ва беш аз 1,7 миллион нафар пасандозгузорон тавассути 75 филиал ва 546 адад марказҳои хизматрасонии бонкӣ бо теъдоди қариб 3000 нафар кормандон дар тамоми минтақаҳои Тоҷикистон хизмат мерасонад.
Дар Тоҷикистон беш аз 19 ҳазор тонна гӯшти паранда истеҳсол гардидааст
Дар ноҳияи Ҷалолиддини Балхӣ пахтачинӣ оғоз ёфт
Дороиҳои «Саноатсодиротбонк» дар нимсолаи якуми соли 2025 афзоиш ёфтааст
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
