Озмоишгоҳҳои ташхиси маҳсулоти нафтии «Тоҷикстандарт» 626 104,8 тонна маҳсулотро аз ташхис гузарониданд
ДУШАНБЕ, 09.02.2021 /АМИТ «Ховар»/. Агентии стандартизатсия, метрология, сертификатсия ва нозироти савдои назди Ҳукумати ҷумҳурӣ аз ошкор гардидани 888 тонна маҳсулоти cӯзишвории ғайристандартӣ дар соли 2020 хабар медиҳад. Гуфта мешавад, ки ин миқдор маҳсулоти сӯзишворӣ аз рӯи нишондоди адади октанӣ, миқдори сулфур ва таркиби фраксионӣ ғайристандартӣ дониста шуда, фурӯшандагонашон ба ҷавобгарии маъмурӣ кашида шуданд.
Муовини аввали директори Агентии «Тоҷикстандарт» Диловар Пирназарзода 8 феврал дар нишасти хабарӣ дар Душанбе ба намояндагони воситаҳои ахбори омма гуфт, ки ин миқдор сӯзишвории ғайристандартӣ зимни санҷиш аз нуқтаҳои фурӯши ғайрирасмӣ, ки дар самти роҳҳои шаҳру ноҳияҳои Ҳисор, Ваҳдат, Рӯдакӣ, Варзоб воқеанд, дар ҳамкорӣ бо дигар мақомоти марбута ошкор гардид. Ҳамзамон аз сӯи нозирони Агентии «Тоҷикстандарт» дар миқёси ҷумҳурӣ соли гузашта 12 ҳазору 827 литр бензин ва 28 ҳазору 300 литр сӯзишвории дизелии ба талабот ҷавобгӯ набуда ошкор карда шудааст.
Ин дар ҳолест, ки озмоишгоҳҳои ташхиси маҳсулоти нафтии Агентии «Тоҷикстандарт» бо мақсади таъмини сифат ва бехатарии маводи сӯзишворӣ дар соли 2020 дар 4141 ҳолат 626 104,8 тонна маҳсулотро аз ташхис гузарониданд. Инчунин бо мақсади муайян намудани сифат ва ҳолати фурӯши маҳсулоти нафтӣ дар бозори дохилӣ санҷишҳо гузаронида шуда, аз нуқтаҳои фурӯши маҳсулоти нафтӣ 2404 намуна ба миқдори 41 688,2 тона маҳсулот ба озмоишгоҳҳо барои ташхис пешниҳод гардидаанд.
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
