Дар вилояти Суғд мулоқоти вазирони корҳои дохилии Тоҷикистон ва Қирғизистон баргузор шуд
ДУШАНБЕ, 06.04.2021 /АМИТ «Ховар»/. 6 апрел дар вилояти Суғди Ҷумҳурии Тоҷикистон мулоқоти Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода ва Вазири корҳои дохилии Ҷумҳурии Қирғизистон, генерал-майори милитсия Улан Ниёзбеков баргузор шуд. Дар ин бора АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Зимни суҳбат дар фазои самимият, эътимод ва дӯстӣ доираи васеи масоили вобаста ба ҳамкории дуҷонибаи мақомоти корҳои дохилии ду давлат баррасӣ шуданд. Дар мавриди кӯшишҳои муштарак бо мақсади мусоидат дар кори таъмини амният ва субот дар минтақаҳои наздисарҳадии Ҷумҳурии Тоҷикистон ва Ҷумҳурии Қирғизистон изҳори дастгирӣ карда шуд.
Сипас, таҳти роҳбарии вазирони корҳои дохилии ду давлат вохӯрӣ дар ҳайати васеъ бо иштироки сардорони шуъбаҳои соҳавии ду кишвар баргузор гардид.
Дар ҷараёни мулоқот тарафайн масъалаҳои тақвияти ҳамкорӣ дар самти мубориза бо ҷинояткорӣ, терроризм, экстремизм, гардиши ғайриқонунии маводи мухаддир, ҷинояткории фаромарзӣ, инчунин масоили мубрами мавриди таваҷҷуҳи тарафайнро баррасӣ карданд.
Ба таҳкими робитаҳо байни роҳбарони мақомоти корҳои дохилии минтақаҳои наздисарҳадӣ ва воҳидҳои соҳавии ду вазорат таваҷҷуҳи хос дода шуд.
Натиҷаҳои музокирот бори дигар алоқамандии тарафайнро ба рушди ҳамкорӣ дар ҳама самтҳои мубориза бо ҷинояткорӣ ва омодагии онҳоро барои таҳкими заминаҳои ҳуқуқии фаъолияти чандинсола тасдиқ карданд.
Дар шаҳри Бӯстон мулоқоти ҳамраисони ҳайатҳои ҳукуматии Тоҷикистон ва Қирғизистон баргузор шуд
Дар Душанбе вобаста ба таъминоти бехатарии озуқаворӣ дар занҷираи истеҳсолӣ машварат баргузор гардид
ТАҒЙИРОТ БА ҚОНУН. Ба маоши вазифавии кормандоне, ки дар ҳодисаҳои сӯхтор дар шароити барои саломатӣ зараррасон хизмат мебаранд, ба андозаи 20 дарсад иловапулӣ пешбинӣ карда мешавад
Агентии назорати давлатии молиявӣ ва мубориза бо коррупсия ҳамкориро бо Намояндагии Барномаи рушди СММ дар Тоҷикистон тавсеа мебахшад
ПЕШГИРИИ САДАМАҲО. Вазорати нақлиёти Тоҷикистон бо мусоидати Бонки ҷаҳонӣ дар мавзуи таъмини бехатарии роҳҳо машварат доир намуд
Байни Агентии назорати давлатии молиявӣ ва мубориза бо коррупсияи Тоҷикистон ва Прокуратураи генералии Озарбойҷон барномаи ҳамкорӣ ба имзо расид
Дар Прокуратураи генералии Ҷумҳурии Тоҷикистон доир ба пешгирии тақсимоти ғайриқонунии замин ва сохтмони худсарона ҷаласа баргузор шуд
Дар Прокуратураи генералӣ ҷаласаи навбатии Шурои ҳамоҳангсозии фаъолияти мақомоти ҳифзи ҳуқуқ доир гардид
Таъмини иҷрои Нақшаи чорабиниҳои амалисозии Стратегияи миллӣ оид ба назорати маводи нашъаовар дар Тоҷикистон баррасӣ шуд
Дар Академияи Вазорати корҳои дохилии Тоҷикистон маросими тантанавии савгандёкунии курсантон баргузор шуд
Дар қисмҳои низомии шаҳри Хоруғ наваскарон савганди садоқат ёд намуданд
Ҷаласаи Комиссияи байниидоравӣ оид ба масъалаҳои ҳифзи сирри давлатӣ ва ҳифзи техникии иттилоот дар Тоҷикистон доир шуд
