Шурӯъ аз имрӯз парвозҳои мунтазами ҳавоӣ байни Тоҷикистон ва Россия оғоз меёбанд
ДУШАНБЕ, 01.04.2021 /АМИТ «Ховар»/. Шурӯъ аз 1 апрел Россия парвозҳои мунтазами ҳавоиро бо шаш кишвари ҷаҳон-Тоҷикистон, Германия, Венесуэла, Сурия, Ӯзбекистон ва Шри-Ланка оғоз намуда, инчунин парвозҳои мунтазами ҳавоиро бо Куба, Беларус, Арманистон, Озарбойҷон, Миср ва Аморати Муттаҳидаи Араб афзоиш медиҳад. Парвозҳои мунтазами ҳавоӣ аз 13 фурудгоҳи Россия сурат мегиранд, хабар медиҳад ТАСС.
Дар самти Москва –Душанбе –Москва ширкати ҳавопаймоии Россия «UTair» 2 апрел ва дар масири Душанбе –Москва –Душанбе ширкати ҳавопаймоии Тоҷикистон «Somon Air» 6 апрел парвоз анҷом медиҳанд, гуфта буд қаблан дар суҳбат ба хабарнигори АМИТ «Ховар» директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода.
И. Субҳонзода афзуд, ки ба роҳ мондани парвозҳои мунтазами ҳавопаймоҳо дар масири Душанбе –Москва-Душанбе, ки дар як ҳафта якпарвозӣ анҷом дода мешавад, оғози парвозҳои мунтазами ҳавоӣ буда, бо беҳтар гардидани вазъи эпидемикӣ барои афзоиш додани парвозҳои мунтазам бо дар назардошти қабули қарори марбута аз ҳар ду ҷониб тадбирҳои зарурӣ андешида мешаванд.
Бо иқдомҳои наҷибонаи пешгирифтаи Ҳукумати Ҷумҳурии Тоҷикистон бо роҳбарии Пешвои миллат муҳтарам Эмомалӣ Раҳмон вазъи эпидемиологӣ вобаста ба бемории сироятии COVID-19 дар Тоҷикистон муътадил гардидааст. Ин барои барқарор намудани парвозҳои мунтазами байналмилалӣ, ки бар асари хуруҷи бемории сироятии COVID-19 муваққатан қатъ гардида буданд, шароити мусоид фароҳам меорад.
Дар ҷаласаи корӣ, ки чанде пеш дар Агентии авиатсияи граждании назди Ҳукумати ҷумҳурӣ доир гардида буд, аз ширкатҳои ҳавопаймоии ватанию хориҷӣ дархост карда шуд, ки ба болоравии беасоси нархи чиптаи ҳавопаймоӣ роҳ надиҳанд ва нархи чиптаро дар доираи арзиши аслӣ танзим намоянд. Дар шароити имрӯза мо бояд шароити шаҳрвандони кишварамонро ба инобат гирем. Ҳамзамон аз ҶСК «Фурудгоҳи байналмилалии Душанбе» дархост шуд, ки хизматрасонӣ ба мусофиронро дар сатҳи зарурӣ ба роҳ монда, ҷиҳати бозхонд намудани кормандон аз рухсатии меҳнатии бемузд тадбирҳои зарурӣ андешад.
Тибқи талабот, мусофирони интиқолшаванда бояд маълумотнома бо натиҷаи ташхиси тестӣ бо нишондоди «манфӣ»-и бемории сироятии COVID-19 дошта бошанд ва муҳлати он набояд аз 72 соат зиёд бошад. Мусофироне, ки маълумотнома бо натиҷаи ташхиси тестӣ бо нишондоди «манфӣ»-и бемории сироятии COVID-19 надоранд, барои интиқол роҳ дода намешаванд.
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
