СУТ реҷаи ҳолати фавқулодаро дар соҳаи тандурустии ҷаҳон бо сабаби COVID-19 се моҳ тамдид кард

ДУШАНБЕ, 20.04.2021 /АМИТ «Ховар»/. Созмони умумиҷаҳонии тандурустӣ (СУТ) бо сабаби пандемияи COVID-19 реҷаи ҳолати фавқулодаи ҷаҳониро дар соҳаи тандурустӣ то се моҳ тамдид кард. Дар ин бора Кумитаи ҳолатҳои фавқулодаи СУТ гузориш додааст, хабар медиҳад АМИТ «Ховар» бо истинод ба ТАСС.

«Директори генералии СУТ тасмим гирифт, ки пандемияи COVID-19 ҳанӯз ҳам барои соҳаи тандурустии ҷамъиятӣ ҳолати фавқулодаи дорои моҳияти байналмилалӣ мебошад. Вай бо тавсияи кумита розӣ шуд», — омадааст дар изҳорот.

Илова бар ин, ба кишварҳо тавсия дода шудааст, ки «бо дарназардошти маҳдудият, инчунин афзудани далелҳо дар бораи таъсирнокии ваксинаҳо дар коҳиши интиқоли вирус (COVID-19 — тавзеҳи АМИТ «Xoвар») ва нобаробарии мавҷудаи тақсимоти ваксинаҳо дар ҷаҳон» ҳангоми мусофирати байналмилалӣ далели эм шуданро талаб накунанд.

АКС аз манбаҳои озод