Ҳунарпешаи халқии Тоҷикистон Асалбегим Саодатова дар 71-солагӣ аз олам даргузашт

Апрель 5, 2021 10:15

ДУШАНБЕ, 05.04.2021 /АМИТ «Ховар»/. 4 апрел Ҳунарпешаи халқии Тоҷикистон Асалбегим Саодатова дар синни 71 дар шаҳри Душанбе аз олам даргузашт.

Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, марҳум нимаи аввали имрӯз дар яке аз оромгоҳҳои шаҳри Душанбе ба хок супорида шуд.

Асалбегим Саодатова 4 ноябри соли 1950 дар ноҳияи Рӯшон ба дунё омадааст. Соли 1971 пас аз хатми Донишкадаи давлатии санъати театрии шаҳри Москва ба номи А. В. Луначарский ба ватан омада, дар қатори бунёдгузорони Театри ҷавонон буд. Миёни алоқамандон бештар бо нақши «Аҷузкампир» аз намоиши телевизионии «Алифбоҷон, Алифбо!» машҳур мебошад.

Мавсуф фаъолияти пурраи эҷодиашро дар Театри давлатии ҷавонони Тоҷикистон гузаронидааст.

Асалбегим Саодатова дар тӯли беш аз чор даҳсола дар спектаклҳои зиёд нақш бозида, қаҳрамонҳоеро рӯи саҳна овард, ки аз лиҳози хислат, хулқу атвор, ҷаҳонбинию ҷаҳонфаҳмӣ ва идроки моҳияти зиндагӣ аз ҳам тафовут доранд. Инчунин дар саҳнаҳои офаридаи ӯ самимият бештар дида мешавад. Саҳнаҳои офаридааш «Робиаи Балхӣ», «Табиби зӯракӣ», «Тангои ҷиноятӣ», «Модар меояд», «Муалли­ми рақс», «Ситораи роҳнамо», «Илоҷи беилоҷӣ ҳаст», «Суруди зиндагӣ», «Алафҳои бегона», «Ҳукм», «Донаки сеҳрнок», «Фолбин», «Дар ҷустуҷӯи бахт», «Кулбаи хонум Зоя» аз ҳамин қабиланд.

Асалбегим Саодатова  дар саҳначаю намоишҳои телевизионӣ низ ҳунар нишон додааст.

Акс аз манбаъҳои боз

Апрель 5, 2021 10:15

Хабарҳои дигари ин бахш

Оид ба арзёбии таъсири маҳфузгоҳҳои партовҳои уранӣ ба муҳити зист конфронс доир шуд
Намояндагони Китобхонаи миллии Тоҷикистон дар конфронси байналмилалии онлайнӣ иштирок намуданд
Ҳайати Шурои байнидавлатии ҳолатҳои фавқулода бо Маҷмааи «Кохи Наврӯз» ва Осорхонаи миллии Тоҷикистон шинос шуд
Бахшида ба 80-солагии Шоири халқии Тоҷикистон Гулназар Келдӣ маҳфили адабӣ баргузор гардид
Байни АМИТ «Ховар» ва Донишгоҳи миллии Тоҷикистон шартномаи ҳамкорӣ ба имзо расид
Дар ноҳияи Рӯдакӣ даври минтақавии Озмуни ҷумҳуриявии «Илм-фурӯғи маърифат» оғоз ёфт
Сокинони ноҳияи Шаҳринав соҳиби туҳфаи Президенти Тоҷикистон-«Шоҳнома»-и Абулқосим Фирдавсӣ мегарданд
МАХЗАНИ ДОНИШ ДАР ҲАР ХОНАДОН. Ба 63 ҳазор оилаи ноҳияи Рӯдакӣ асари безавол — «Шоҳнома» тақдим мегардад
Ҳайати фарҳангии ИДМ бо ёдгориҳои нодири таърихии миллати тоҷик шинос шуд
Ҳайати парлумонии Иттиҳоди Аврупо дар Осорхонаи миллии Тоҷикистон бо тамаддуни қадимии тоҷикон шинос шуд
Байни Тоҷикистон ва Қазоқистон ҳамкории илмӣ дар соҳаҳои фалсафа, сиёсатшиносӣ, ҳуқуқ ва дин баррасӣ гардид
Дар Душанбе ҷаласаи XXXX Шурои ҳамкории фарҳангии Иттиҳоди Давлатҳои Мустақил баргузор гардид