Вазорати молия: «Омадани ҳайати Бонки ҷаҳонӣ ҷиҳати муайянкунии иқтидори неругоҳи Роғун, ҷалби сармоя ва татбиқи фаврии ин лоиҳаи муҳими стратегӣ дар назар аст»
ДУШАНБЕ, 28.04.2021 /АМИТ «Ховар»/. Вазири молияи Ҷумҳурии Тоҷикистон Файзиддин Қаҳҳорзода ва ноиби президенти Бонки ҷаҳонии Аврупо ва Осиёи Марказӣ Анна Бйерде 27 апрел зимни вохӯрии маҷозӣ доираи васеи масъалаҳои ҳамкории дуҷониба байни Тоҷикистон ва Бонки ҷаҳониро баррасӣ карданд. Дар ин бора Вазорати молияи кишвар хабар медиҳад.
Тавре Файзиддин Қаҳҳорзода зикр намуд, дар тӯли 28 соли шарикӣ Бонки ҷаҳонӣ Тоҷикистонро дар татбиқи лоиҳаҳои муштараки сармоягузорӣ ба таври назаррас дастгирӣ кардааст.
«Соли 2020 ҳамкории Тоҷикистон бо Бонки ҷаҳонӣ ба василаи ҷудо намудани маблағҳо барои лоиҳаҳои муқовимат бо пандемияи COVID-19 нигаронида шуда, тақвияти бештар ёфт. Кумаки Бонки ҷаҳонӣ ба Тоҷикистон дар кори ба эътидол овардани вазъи эпидемиологӣ ва боздоштани паҳншавии пандемия дар ҷумҳурӣ мусоидат кард», — зикр намуд вазир.
Таъкид карда шуд, ки ислоҳоти андоз дар Тоҷикистон барои сармоягузорони оянда, соҳибкорони ватанӣ фазои устувортар фароҳам меорад ва ба ҷалби сармояи хориҷӣ таъсири мусбат мерасонад.
Инчунин интизор меравад, ки ҳайати Бонки ҷаҳонӣ ҷиҳати муайян кардани иқтидори неругоҳи Роғун ба ҷалби сармоя ва татбиқи фаврии ин лоиҳаи муҳими стратегӣ, ки хусусияти минтақавӣ дорад ва метавонад на танҳо ба рушди Тоҷикистон, балки инчунин кишварҳои Осиёи Марказӣ кумак намояд, мусоидат хоҳад кард.
АКС аз Вазорати молияи ҶТ
НИШАСТИ МАТБУОТӢ. Дар Тоҷикистон беш аз 22,4 миллиард кВт-соат неруи барқ ва зиёда аз 1,3 миллион Гкал неруи гармӣ истеҳсол шудааст
Соли 2024 дар 3239 гектар корҳои бунёд ва барқароркунии ҷангал иҷро гардид
Соли 2024 аз Тоҷикистон ба беш аз 26 давлати хориҷӣ маҳсулоти кишоварзӣ содирот гардид
«Тоҷикаэронавигатсия» соли 2024 ба 71 ҳазору 459 техникаи ҳавопаймоӣ хизмат расонидааст
НИШАСТИ МАТБУОТӢ. Дар Тоҷикистон панҷ барномаи давлатӣ барои беҳтар намудани заминҳои кишоварзӣ амал менамояд
НИШАСТИ МАТБУОТӢ. Бахшида ба Соли байналмилалии ҳифзи пиряхҳо лоиҳаи Консепсияи «Харитаи роҳ» таҳия гардид
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Хадамоти алоқа дар доираи ин солҳо иҷрои кадом корҳоро ба нақша гирифтааст?
Дар Душанбе созишномаҳои грантӣ бо Бонки олмонии рушд ба имзо расиданд
НИШАСТИ МАТБУОТӢ. Аз Тоҷикистон ба Лондон, Будапешт, Сеул, Шармулшайх ва Риёз парвозҳои ҳавоӣ амалӣ мегарданд
Маркази минтақавии Тоҷикистон сазовори мақоми Маркази минтақавӣ барои давлатҳои Осиёи Марказӣ гардид
НИШАСТИ МАТБУОТӢ. Дар се лоиҳаи давлатии сармоягузорӣ дар соҳаи роҳи Тоҷикистон корҳои сохтмонӣ ба маблағи 3,5 миллиард сомонӣ оғоз меёбанд
НИШАСТИ МАТБУОТӢ. Соҳаи авиатсияи граждании Тоҷикистон ба пешравиҳои назаррас ноил мегардад
