Хазинаи суғуртаи пасандозҳои шахсони воқеӣ маблағҳои пасандоздорони «Агроинвестбонк» ва «Тоҷиксодиротбонк»-ро ҷуброн мекунад
ДУШАНБЕ, 26.05.2021 /АМИТ «Ховар»/. Хазинаи суғуртаи пасандозҳои шахсони воқеӣ аз ҷуброн намудани маблағҳои пасандоздорони «Агроинвестбонк» ва «Тоҷиксодиротбонк» хабар медиҳад.
Тавре аз Бонки миллии Тоҷикистон ба АМИТ «Ховар» иттилоъ доданд, Хазинаи суғуртаи пасандозҳои шахсони воқеӣ ба таваҷҷуҳи пасандоздорони ҶСК «Агроинвестбонк» ва ҶСК «Тоҷиксодиротбонк» мерасонад, ки маблағи пасандози шахсони воқеӣ бо пули миллӣ то 30000 сомонӣ ва бо асъори хориҷӣ то 21000 сомонӣ аз ҳисоби хазина пурра ҷуброн карда мешавад.
Пардохти ҷубронпулӣ ба пасандоздорон тавассути бонк-агент 14 рӯз пас аз санаи қабули қарори суд оид ба барҳамдиҳии ташкилоти қарзӣ пардохт карда мешавад. Маблағи боқимондаи пасандозҳои шахсони воқеӣ дар раванди барҳамдиҳӣ аз ҷониби мудири махсус тибқи тартиби муқарраршуда пардохт хоҳад шуд.
Бояд гуфт, ки 21 майи соли равон Бонки миллии Тоҷикистон иҷозатномаи «Агроинвестбонк» ва «Тоҷиксодиротбонк»-ро бозхонд намуда буд.
Пасандоздорони «Агроинвестбонк» ва «Тоҷиксодиротбонк» имкон доранд маълумоти иловагиро тавассути телефонҳои 44 6003245, 44 6003545 ё ин ки аз сомонаи Хазина www.idif.tj дастрас намоянд.
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
Намояндаи Тоҷикистон дар Ассамблеяи умумии Созмони ҳамкории рақамӣ иштирок намуд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
Ҷаласаи панҷуми Кумитаи роҳбарикунандаи Барномаи дастгирии энергетикаи устувор баргузор гардид
