Тоҷикистон аз рӯи шумораи квотаҳои дарёфтнамуда барои таҳсил дар донишгоҳҳои Россия пешсаф мебошад

Май 14, 2021 13:11

ДУШАНБЕ, 14.05.2021 /АМИТ «Ховар»/. Ба зиёда аз 5 ҳазор барномаҳои омӯзишӣ дар донишгоҳҳои Россия бахшҳои омӯзиши технологияҳои зеҳни сунъӣ (ЗС) илова карда мешаванд, гуфт роҳбари Вазорати маориф ва илми Федератсияи Россия Валерий Фалков дар ҷаласаи Президенти Россия Владимир Путин бо аъзои ҳукумат, хабар медиҳад АМИТ «Ховар» бо истинод ба ТАСС.

«Ба зиёда аз 5 ҳазор барномаи таълимӣ аз рӯи тамоми ихтисосҳо ва самтҳои омодасозӣ бахшҳои омӯзиши технологияҳои зеҳни сунъӣ бо мақсади таълими истифодаи чунин технологияҳо дар соҳаҳои гуногуни фаъолият илова карда мешаванд», — гуфт Фалков. Ба гуфтаи ӯ, ин бахшҳо дар якҷоягӣ бо ширкатҳои пешрафтаи соҳа — «Яндекс», Mail.ru, «Сбер», ВТБ таҳия шудаанд.

Илова бар ин, то 1 сентябр Вазорати маориф ва илм барномаҳои таълимиро аз рӯи ихтисосҳо ва самтҳои таълимии вобаста ба коркард  ва рушди технологияҳои зеҳни сунъӣ навсозӣ мекунад. Мундариҷаи онҳо ба талаботи бозори меҳнат мутобиқ карда хоҳад шуд.

Вазорати маориф ва илм интизор дорад, зикр кард Фалков, ки имсол соҳаҳои муҳандисӣ, омӯзгорӣ, тиббӣ, гуманитарӣ ва инчунин ихтисосҳои марбут ба технологияҳои иттилоотӣ дар байни довталабон ҷолиб хоҳанд буд. «Дар ду соли охир мо шумораи ҷойҳои буҷетиро барои тайёр кардани кадрҳо барои иқтисоди рақамӣ тақрибан ду баробар зиёд кардем», — хабар дод вазир.

«Сарфи назар аз пандемия ва омилҳои дигари манфӣ, мо зикр мекунем, ки то ҳол сатҳи таваҷҷуҳи довталабони хориҷӣ ба таҳсилоти олии Россия баланд аст», — иттилоъ дод Фалков ва иброз дошт, ки дар ин робита ҳукумат шумораи квотаҳоро барои таҳсили шаҳрвандони хориҷӣ аз ҳисоби буҷа зиёд кард. Ба гуфтаи вай, аз рӯи теъдоди квотаҳо Тоҷикистон, Ӯзбекистон, Қазоқистон ва Қирғизистон пешсаф мебошанд.

                                                            АКС аз бойгонӣ

Май 14, 2021 13:11

Хабарҳои дигари ин бахш

Дар шаҳри Бохтар мавсими нави театрӣ оғоз ёфт
«ОЛАМИ ГУЛДӮЗИИ ТОҶИКОН». Дар Осорхонаи миллии қолинҳои Озарбойҷон намоиши гулдӯзии тоҷикон доир шуд
Иштирокдорони конфронси байналмилалӣ намоиши ҷашнии «Ҳофизи Шерозӣ ва ҳунари хушнависии тоҷик»-ро тамошо намуданд
Даври ҷамъбастии Озмуни ҷумҳуриявии «Тоҷикистон — Ватани азизи ман» оғоз гардид
Дар Сеул байни китобхонаҳои миллии Тоҷикистон ва Корея Ёддошти тафоҳум ба имзо расид
Директори Театри опера ва балети Тоҷикистон ба кишварҳои ИДМ ҳамкории эҷодӣ ва таълимӣ пешниҳод намуд
Дар Бӯстон ба ифтихори Рӯзи забони давлатӣ ҳамоиш баргузор гардид
МУЖДАҲОИ РУҲБАХШИ ЗИНДАГӢ ДАР ШЕЪРИ ҲОФИЗ. Эҳдо ба таҷлили Рӯзи байналмилалии Хоҷа Ҳофизи Шерозӣ
Маркази саратоншиносии вилояти Суғд бо таҷҳизоти табобатии нурии саратонӣ таъмин гардид
Тараннуми дӯстию рафоқат ва мақоми инсон дар ҷомеа дар маркази афкори эҷодии Ҳофизи Шерозӣ қарор дорад
Чанд мулоҳиза дар бораи нусхаи тозаи «Девон»-и Ҳофиз. Эҳдо ба 700-солагии зодрӯзи Ҳофизи Шерозӣ
ШАҲРИ ҲУНАРМАНДӢ ВА ҲУНАРМАНДОН. Истаравшан макони ҷалби сайёҳон аст