«ТУ ҲАМ ЁДЕ БИКУН АЗ МАН…». Дар саҳни ҳавлии Коллеҷи ҷумҳуриявии санъати шаҳри Кӯлоб нимпайкараи Кароматулло Қурбонов гузошта шуд

Май 7, 2021 16:20

ДУШАНБЕ, 07.05.2021 /АМИТ «Ховар»/. Рӯзи чоршанбе дар саҳни ҳавлии Коллеҷи ҷумҳуриявии санъати ба номи  Кароматулло Қурбонов дар шаҳри Кӯлоб нимпайкараи ин сарояндаи мумтози тоҷик гузошта шуд. Дар маросими ботантанаи пардабардорӣ аз рӯи нипайкара  Раиси вилояти Хатлон Қурбон Ҳакимзода иштирок ва суханронӣ намуд.

Пас аз ифтитоҳи ёдгорӣ садои сурудҳои Кароматулло Қурбонов «Баҳорам», «Ватан», «Душанбе», «Суғдиён», «Гулзори ман», «Варзоб», «Ту ҳам ёде бикун аз ман» дар фазои муассиса таниандоз гардиданд.

Фарзандони Кароматулло Қурбонов – овозхонҳои ҷавон ва маъруфи мамлакат Муҳаммадрофӣ ва Нозияи Кароматулло ин рӯйдодро  дар ҳаёти фарҳангӣ ва ҳунарии кишвар муҳим ва хотирмон арзёбӣ намуда, ба Президенти Ҷумҳурии Тоҷикистон ва Ҳукумати мамлакат барои чунин поси хотири падари равоншоди худ  изҳори сипос намуданд.

Хотиррасон мешавем, ки Омӯзишгоҳи мусиқии шаҳри Кӯлоб соли 1989 ҳамчун филиали Омӯзишгоҳи мусиқии шаҳри Душанбе таъсис ёфта, соли 1991 чун Омӯзишгоҳи мусиқии шаҳри  Кӯлоб мустақил гардид ва бо қарори Ҳукумати Ҷумҳурии Тоҷиткистон соли 2004 ба Коллеҷи санъати ба номи Кароматулло  Қурбонов   табдил дода шуд.

11 сентябри соли 2019  Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъд аз навсозӣ Коллеҷи ҷумҳуриявии санъати ба номи Кароматулло Қурбоновро мавриди баҳрабардорӣ қарор доданд.

Тавре ба Пешвои миллат муҳтарам Эмомалӣ Раҳмон иттилооъ дода шуд, бинои Коллеҷи санъат аз ду ошёна ва таҳхона иборат буда, аз толори рақс, навозиш, синфхонаи компютерӣ, утоқҳои кории устодон ва синфхонаҳо барои донишҷӯён иборат аст. Бино дорои 15 синфхона буда, ҳар як синфхона бо айёнияти дарсӣ ва асбобҳои мусиқӣ муҷаҳҳаз мебошад.

Май 7, 2021 16:20

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд