40 нафар донишҷӯи Донишгоҳи давлатии тиббии Тоҷикистон соҳиби «Дипломи аъло» шуданд
ДУШАНБЕ, 04.06.2021 /АМИТ «Ховар»/. 40 нафар донишҷӯёни Донишгоҳи давлатии тиббии Тоҷикистон ба номи Абӯалӣ ибни Сино донишгоҳро бо баҳои аъло ҷамъбаст намуда, соҳиби «Дипломи аъло» шуданд.
Тавре аз Донишгоҳи давлатии тиббӣ ба АМИТ «Ховар» иттилоъ доданд, 3 июн дар толори Синои Донишгоҳи давлатии тиббии Тоҷикистон маросими хатми донишҷӯён доир шуда, 1572 нафар донишҷӯён донишгоҳро хатм намуданд.
Дар маросими хатми донишгоҳ Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иброз намуд, ки хамткунандагони имрӯзаи Донишгоҳи давлатии тиббии Тоҷикистон ба номи Абӯалӣ ибни Сино, ки табибони оянда мебошанд, бояд ворисони воқеии Синои бузург бошанду афкору андеша ва маҳорати касбии ин чеҳраи нотакрори Шарқро идома диҳанд ва дар фаъолият содиқонаю софдилона ба давлату миллат хизмат намоянд. Зеро хатми бомуваффақияти ин муассисаи бонуфузи таълимӣ худ мояи ифтихор мебошад.
Ба гуфтаи Ректори Донишгоҳи давлатии тиббӣ, профессор Маҳмадшоҳ Гулзода Донишгоҳ дар тӯли фаъолияти босамари худ 50 ҳазор мутахассиси дорои таҳсилоти олии тиббиро омода намудааст, ки онҳо на танҳо дар дохили мамлакат, балки берун аз он низ бо касбияти баланд машҳур гардида, нуфузи донишгоҳ ва Тоҷикистонро боло бурдаанд
Инчунин Маҳмадшоҳ Гулзода изҳори итминон намуд, ки хатмкунандагон аз уҳдаи вазифаҳои дар пеш истода ба хубӣ баромада, фаъолияти худро дар соҳаи илм ва тандурустӣ идома хоҳанд дод.
Дар анҷоми ҳамоиши хатмкунандагон маросими ёд намудани «Савганди табиб (Ҳиппократ)» бо забонҳои тоҷикӣ, англисӣ доир шуда, «Суруди табибон» садо дод.
АКС: аз сомонаи ДДТТ
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Дар Тоҷикистон Озмоишгоҳи минтақавии яхшиносӣ таъсис дода шавад»
