Бонки умумиҷаҳонӣ барои таҳкими устувории соҳаи кишоварзӣ дар Тоҷикистон $58 млн. ҷудо менамояд

Июнь 22, 2021 13:52

ДУШАНБЕ, 22.06.2021/АМИТ «Ховар»/. Бонки умумиҷаҳонӣ маблағи грантиро дар ҳаҷми 58 миллион доллари ИМА барои татбиқи Лоиҳаи таҳкими устувории соҳаи кишоварзӣ дар Тоҷикистон тасдиқ намуд. Лоиҳа барои ба тағйирёбиҳо бештар тобовар ва устувор намудани соҳаи кишоварзӣ, ки асоси иқтисодиёт ва манбаи даромади аҳолии кишвар мебошад, мусоидат хоҳад кард, гуфтанд ба хабарнигори АМИТ «Ховар» дар Вазорати кишоварзии Тоҷикистон.

Лоиҳа ба тақвият додани замина барои соҳаи кишоварзии ба тағйирёбиҳо бештар тобовар нигаронида шудааст. Он дар навбати худ ба суръатбахшии гуногунсозии соҳаи кишоварзӣ, ба рушди корхонаҳои хусусии хеле хурд, хурд ва миёна дар деҳот мусоидат мекунад ва ҷойҳои иловагии кориро таъсис медиҳад.

Лоиҳа рушди шабакаи тухмиҳои навъҳои тобовар, ниҳолҳо ва маводҳои кӯчатро барои бо миқдор ва сифати зарурӣ таъмин намудани навъҳои ба шароитҳои маҳаллӣ ва иқлим мутобиқ ва тобовар барои парвариши зироатҳои афзалиятнок, дастгирӣ мекунад. Сармоягузорӣ ба технологияҳои истеҳсол барои баланд бардоштани истеҳсолот ва маҳсулнокӣ муҳим аст. Он ба таъмини амнияти озуқаворӣ ва истеъмоли ғизо, аз он ҷумла ба вусъатдиҳии самаранокии истифодаи дигар захираҳо, ба монанди об, нуриҳо ва заҳрҳои зидди ҳашарот, мусоидат мекунад.

Лоиҳа бо муассисаҳои илмӣ ва тадқиқотие, ки бо Академияи илмҳои кишоварзии Ҷумҳурии Тоҷикистон ва Донишгоҳи аграрии Тоҷикистон алоқаманд мебошанд, ҳамкорӣ хоҳад кард. Ҳадаф аз ин ҳамкорӣ таҳкими зарфият дар дурнамои дарозмуҳлат дар самти тадқиқот ва рушди технологияҳо, муайян кардани роҳҳои мутобиқшавӣ ба тағйирёбии иқлим ва рушди соҳа, ба ҳисоб меравад.

Гузашта аз ин, дар доираи лоиҳа ҷиҳати дастгирии сармоягузорӣ дар бунёди марказҳои агрологистикӣ барои таъмини занҷирҳои арзиши иловашуда дар соҳаи боғдорӣ бо мақсади беҳтар намудани рақобатпазирӣ дар соҳа ва таъмини дастрасии деҳқонон ба бозорҳо, мусоидат ба гуногунсозии соҳаи кишоварзӣ, таъмини стандартҳои сифат ва амнияти озуқаворӣ, инчунин коҳиши талафот ва исрофи маҳсулоти озуқа, чорабиниҳо пешбинӣ мешаванд. Мавҷудияти чунин марказҳо сармоягузории бештари хусусиро ба соҳаи боғдорӣ, аз он ҷумла боғҳои дарахтони мевадиҳанда ҷалб хоҳад кард. Ин ба кам кардани таъсири оқибатҳои тағйирёбии иқлим ва ташкили ҷойҳои нави корӣ мусоидат мекунад. Ҳамзамон, лоиҳа талошҳоро дар таҳкими зарфияти муассисаҳои алоҳидаи давлатӣ дар самти пешгирӣ ва идоракунии буҳрон, дастгирӣ мекунад. Самтҳои афзалиятнок баҳри вусъатдиҳии иқтидор мониторинги бевоситаи истеҳсолоти кишоварзӣ ва агрометеорология, санҷиши хок барои беҳтар намудани идоракунии ҳосилхезӣ, аз он ҷумла ҳифзи зироатҳои кишоварзӣ ва мубориза бо малахро дар бар мегиранд.

Лоиҳа аз ҷониби Вазорати кишоварзии Ҷумҳурии Тоҷикистон дар давоми панҷ соли оянда амалӣ карда мешавад.

                                        АКС: Вазорати кишоварзии Тоҷикистон

Июнь 22, 2021 13:52

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст