Дар шаҳри Хоруғ амалиёти «Бачаҳо» бо ҷалби хонандагони синфҳои болоӣ идома дорад
ХОРУҒ, 20.06.2021. /АМИТ «Ховар»/. Бо ибтикори шуъбаи Бозрасии давлатии автомобилии Вазорати корҳои дохилии ҷумҳурӣ дар Вилояти Мухтори Кӯҳистони Бадахшон ва ҷалби хонандагони синфҳои болоии муассисаи таҳсилоти миёнаи умумии №2-и шаҳри Хоруғ амалиёти «Бачаҳо» роҳандозӣ гардид. Амалиёти мазкур аз 1 июн оғоз гардида, то 15 август идома меёбад.
Омӯзгори муассисаи таълимии мазкур Элчизан Бекикова, ки раҳбарии нозирони наврасро бар уҳда дорад, ин иқдоми шуъбаи Бозрасии автомобилиро муҳим ва саривақтӣ арзёбӣ намуда, изҳор дошт, ки «дар давраи таътили тобистона шумораи пиёдаргардон аз ҳисоби кӯдакону наврасон бамаротиб меафзояд ва эҳтимоли рух додани садамаҳои автомобилӣ низ дар роҳҳои мошингард зиёд мегардад».
«Мо, ҳамроҳи шогирдон соли сеюм аст, ки дар чунин амалиёт ширкат меварзем. Ҳадафи амалиёти мазкур фаҳмонидани қоидаҳои ҳаракати роҳ ба кӯдакону наврасон ва волидони онҳо тавассути паҳн намудани варақаҳои иттилоотӣ, пешгирӣ аз ҳодисаҳои нохуш, расондани кумак ба пиронсолон ҳангоми убур аз роҳи мошингузар мебошад»,-илова кард ӯ.
Мавсуф дар идомаи суҳбаташ афзуд, ки қабл аз амалиёти “Бачаҳо” кормандони Бозрасии давлатии автомобилӣ ба нозирони наврас қоидаҳои ҳаракат дар роҳ, аломатҳои маъмулии сари роҳ, моҳияти рангҳои сурху сабзу зарди чароғакроба таври содаву фаҳмо шарҳу тавзеҳ доданд.
Кормандони шуъбаи Бозрасии давлатии шаҳр ва нозирони наврас зимни тақсими варақаҳои иттилоотӣ аз ронандагон даъват намуданд, ки ҳангоми ҳаракат дар роҳ, ба хусус дар назди боғча- яслӣ, марказҳои дилхушии кӯдакон, муассисаҳои таълимӣ, лагерҳои истироҳатӣ эҳтиёт кунанд, суръати ҳаракатро паст намоянд, то дар лаҳзаҳои ногаҳон ба роҳи мошингард баромадани кӯдакон мошинро зуд боз дошта тавонанд.
Нозирони наврас ҳамчунин миёни ронандагон ёддоштҳо таҳти унвони “Биист,то пиёдагард бигзарад!” тақсим намуданд.
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
