БАТР баландтарин сатҳи рушди иқтисодро дар Осиёи Марказӣ барои Тоҷикистон пешбинӣ мекунад

Июль 1, 2021 12:39

ДУШАНБЕ, 01.07.2021/АМИТ «Ховар»/. Бонки Аврупоии Таҷдид ва Рушд (БАТР) афзоиши тадриҷии иқтисодиёти кишварҳои Осиёи Марказиро дар соли равон ва солҳои оянда пешбинӣ мекунад. Тавре АМИТ «Ховар» иттилоъ медиҳад, дар ин бора маълумоти гузориши БАТР — дурнамоҳои иқтисодии минтақавӣ шаҳодат медиҳад.

«Афзоиши баландтарин дар Осиёи Марказӣ соли равон дар Тоҷикистон — 6,5% ва Қирғизистон — 6,6% пешбинӣ шудааст. Пас аз инҳо Муғулистон (6,3%), Ӯзбекистон (5,6%), Туркманистон (4,6%) ва Қазоқистон (3,6) меоянд”, — гуфта шудааст дар гузориш.

Дар арзёбиҳои нави пажӯҳишгоҳи байналмилалӣ  зикр карда шудааст, ки дар соли 2020 иқтисоди кишварҳои Осиёи Марказӣ ба ҳисоби миёна 0,8% коҳиш ёфтааст ва ин нишондиҳандаи пасттарин дар байни ҳамаи минтақаҳо мебошад.

БАТР дар беш аз 30 кишвари Аврупои Марказӣ ва Шарқӣ, Осиёи Марказӣ ва Баҳри Миёназаминии Ҷанубӣ ва Шарқӣ фаъолият мекунад.

Рушди баландтарин дар Осиёи Марказӣ дар Қирғизистон ва Тоҷикистон дар ҷамъбасти соли 2021 пешбинӣ шудааст — мутаносибан 6,6% ва 6,5%. Таҳлилгарони БАТР пеш аз ҳама ин ҳисобҳоро бо барқароршавии ҳаҷми интиқоли маблағҳо ва мутаносибан, афзоиши истеъмол дар ин ду кишвар асоснок мекунанд.

Аммо, бинобар «хавфҳои сиёсӣ ва мушкилоти марбут ба фазои сармоягузорӣ дар натиҷаи аз тарафи ҳукуматдорон муваққатии тасарруф шудани Қумтор (кони тиллои калонтарин дар Қирғизистон, — эзоҳи муҳаррир) ва афзоиши санҷишҳо ва фишор аз ҷониби мақомоти  танзимкунанда ба соҳибкории миёна» дар соли 2022 интизор меравад, ки рушди иқтисодӣ дар ин кишвар то 4,6% коҳиш ёбад.

Рушди иқтисоди Тоҷикистон дар соли 2022 ба андозаи 6% пешбинӣ шудааст.

Рушди иқтисодӣ дар Ӯзбекистон дар соли 2021 5,6% ва дар соли 2022 — 6% пешбинӣ шудааст, «зеро интизор меравад, ки истеъмоли хусусӣ ва сармоягузорӣ барқарор мешавад».

Иқтисоди Туркманистон «бинобар надоштани маълумот» бар асоси пешгӯиҳои Сандуқи байналмилалии пул арзёбӣ мешавад: 4.6% ва 3.8%, мутаносибан дар солҳои 2021 ва 2022.

Иқтисоди бештар рушдёфтаи Осиёи Марказӣ — Қазоқистон дар соли 2021 дар сатҳи 3,6% ва дар соли 2022 — 3,8% пешбинӣ шудааст, ки «баландтар шудани нархи нафт, ҳавасмандии буҷавӣ ва барқароршавии истеъмоли хусусӣ ба он мусоидат хоҳад кард».

Дар ҳамин ҳол, «хавфҳои қобили мулоҳиза, аз ҷумла хавфҳои вобаста ба паҳншавии сирояти Covid-19 боқӣ мемонанд».

Дар Муғулистон, ки тибқи методологияи БАТР ба минтақаи Осиёи Марказӣ мансуб дониста мешавад, рушди иқтисодӣ дар соли 2021 дар сатҳи 6,3% ва дар соли 2022 — 6% «ба туфайли талаботи Чин ба молҳои асосии содиротии Муғулистон», пешбинӣ шудааст.

                                                       АКС: © Sputnik / Стас Этвеш

Июль 1, 2021 12:39

Хабарҳои дигари ин бахш

Дар Кумитаи рушди сайёҳӣ ҷиҳати расонидани хизмати сатҳи баланд ба мизоҷон ҳамоиш доир шуд
РАВАНДИ ОБИ ДУШАНБЕ. Конфронси дарпешистодаи СММ оид ба об 2023-раванди такондиҳанда барои рушди устувор
Намояндаи Тоҷикистон дар конфронси байналмилалӣ дар шаҳри Истанбул сухан гуфт
Намояндагони Тоҷикистон бо ҷараёни амалишавии раванди ғанисозии орди гандумӣ дар Узбекистон шинос шуданд
Дар Душанбе созишномаҳо оид ба маблағгузорӣ ба имзо расиданд
Татбиқи Барномаи миёнамуҳлати рушди иқтисоди рақамӣ дар Тоҷикистон баррасӣ шуд
Бонки миллии Тоҷикистон ба оператори низоми пардохтии «Вестерн Юнион Нетворк» иҷозатномаи фаъолият дод
Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
Вазорати нақлиёти Тоҷикистон доир ба тағйирёбии ҳамлу нақли бор тавассути гузаргоҳҳои сарҳадии Туркманистон хабар додааст
ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт