Файзиддин Қаҳҳорзода ва Шэнни Кэмпбелл ҷараёни татбиқи лоиҳаҳои муштараки сармоягузориро баррасӣ намуданд

ДУШАНБЕ, 13.07.2021 /АМИТ «Ховар»/. Масъалаи ҷараёни татбиқи лоиҳаҳои муштараки сармоягузорӣ дар соҳаҳои энергетика, тандурустӣ, амнияти озуқаворӣ, ҳифзи муҳити зист, идоракунии давлатӣ ва ғайра 12 июл зимни мулоқоти Вазири молияи Ҷумҳурии Тоҷикистон Файзиддин Қаҳҳорзода ва Директори кишварии Бонки Осиёии Рушд (БОР) барои Ҷумҳурии Тоҷикистон хонум Шэнни Кэмпбелл баррасӣ гардид. Дар ин бора ба АМИТ «Ховар» аз Вазорати молия хабар доданд.

Ҷонибҳо инчунин атрофи татбиқи Лоиҳаи «Дастгирии расонидани ваксинаҳои зидди COVID-19 дар доираи Фонди дастрасии ваксина дар Осиё ва Уқёнуси Ором» дар ҳаҷми 26,8 млн доллари амрикоӣ, ки аз он 25 млн доллари амрикоӣ маблағҳои грантиии Бонки Осиёии Рушд ва 1,8 млн доллари амрикоӣ саҳми Ҳукумати Ҷумҳурии Тоҷикистон мебошад, гуфтугӯи судманд анҷом доданд.

Акс аз Вазорати молия