«МАН НИҚОБ МЕБАНДАМ, ШУМО ЧӢ?»-даъвати роҳбари «Маркази ҷумҳуриявии ташаккули тарзи ҳаёти солим» Парвина Мухторова аз сокинони мамлакат
ДУШАНБЕ, 02.07.2021 /АМИТ «Ховар»/. «Бо мақсади эмин мондани худ ва наздиконам аз бемории COVID-19 ва дарки баланди масъулияти шаҳрвандӣ ман ниқоб мебандам, шумо чӣ?» — чунин хитоб намудааст дар яке аз роликҳои таблиғотӣ роҳбари Муассисаи давлатии «Маркази ҷумҳуриявии ташаккули тарзи ҳаёти солим» Парвина Мухторова ба сокинони мамлакат.
-Бо сабаби хуруҷи мавҷи дуюми бемории COVID-19 дар Ҷумҳурии Тоҷикистон аз ҳар як сокини мамлакат қатъиян талаб карда мешавад, ки дар ҷойҳои ҷамъиятӣ ниқоб пӯшанд, аз маводҳои безараргардонӣ истифода карда, бе зарурат дар берун гаштугузор накунанд. Зеро, танҳо бо роҳи риояи тавсияи мутахассисони соҳаи тиб ва ҷонибдории сокинон метавон аз сироятёбӣ ба COVID-19 ва дилхоҳ беморӣ даст ёфт, — тавсия дод Парвина Мухторова зимни суҳбат бо хабарнигори АМИТ «Ховар».
Тибқи иттилои Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз интиқолу паҳншавии бемории сироятии коронавирус — COVID-19 дар Ҷумҳурии Тоҷикистон, омили асосии хуруҷи навбатии бемории мазкур дар истифода накардани ниқоб, бетаваҷуҳӣ, риоя накардани муҳлати муайяншуда барои худмуҳофизатии шаҳрвандони мамлакат, ки аз хориҷи кишвар баргаштанд, мебошад.
Ба хотири эмин нигоҳ доштани саломатии мардуми Тоҷикистон аз бемории сироятии COVID-19 зимни маҷлиси Ҳукумати Ҷумҳурии Тоҷикистон Пешвои миллат муҳтарам Эмомалӣ Раҳмон 30 июн ба Ситоди ҷумҳуриявӣ оид ба пурзӯр намудани чораҳои зиддиэпидемӣ барои пешгирӣ аз интиқолу паҳншавии бемории COVID-19, Вазорати тандурустӣ ва ҳифзи иҷтимоии аҳолӣ, роҳбарони вилоятҳо ва шаҳру ноҳияҳо дастуру супориш доданд, ки масъалаи ваксинагузаронӣ, риояи ҳатмии қоидаҳои беҳдошти шахсию ҷамъиятӣ, таъмини доруворӣ, истифодаи ниқобҳои муҳофизатӣ, риояи қатъии фосилаи иҷтимоӣ, бо маводи безараргардонӣ таъмин намудани муассисаҳои таълимии ҳамаи зинаҳо, боғҳои фарҳангу фароғат, гулгашту хиёбонҳо ва дигар ҷойҳои ҷамъиятии серодамро ба таври қатъӣ назорат намоянд.
Ёдовар мешавем, ки 21 июни соли равон дар мамлакат ҳолатҳои нави гирифтор шудан ба бемории сироятии коронавирус — COVID-19 ба қайд гирифта шуд.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
