НИШАСТИ МАТБУОТӢ: Аз аҳолӣ ва ташкилоту муассисаҳо беш аз 27 ҳазор адад лампаҳои симобдори аз истифода баромада ҷамъоварӣ шуд
ДУШАНБЕ, 13.07.2021 /АМИТ «Ховар»/. Кумитаи ҳифзи муҳити зисти назди Ҳукумати Ҷумҳурии Тоҷикистон аз ҷамъоварӣ гардидани беш аз 27 ҳазор адад лампаҳои симобдори аз истифода баромада дар мамлакат хабар медиҳад. Гуфта мешавад, ки лампаҳои симобдори аз истифода баромада аз аҳолӣ ва ташкилоту муассисаҳо ҷамъоварӣ гардида, дар ҷойҳои махсус нигоҳ дошта мешаванд.
Раиси Кумитаи ҳифзи муҳити зисти назди Ҳукумати ҷумҳурӣ Баҳодур Шерализода 13 июл дар нишасти матбуотӣ ба намояндагони расонаҳои хабарӣ иттилоъ дод, ки ин тадбир ҷиҳати иҷрои қарори Ҳукумати Ҷумҳурии Тоҷикистон «Дар бораи тадбирҳо оид ба ташкил намудани системаи безараргардонии ҷамъоварӣ, нигоҳдорӣ, интиқол ва коркарди лампаҳои симобдор» андешида шудааст.
Баҳодур Шерализода афзуд, ки дар ин давра Кумитаи ҳифзи муҳити зисти назди Ҳукумати ҷумҳурӣ фаъолияти худро дар партави сиёсати роҳбарияти давлат ва Ҳукумати Ҷумҳурии Тоҷикистон, қонунгузории амалкунанда, санадҳои меъёриву ҳуқуқии соҳавӣ роҳандозӣ намуда, барои татбиқи барномаву нақшаҳои миллӣ, таҳкими ҳамкории байналмилалӣ, баланд бардоштани сатҳи маърифати экологии аҳолӣ ва пурзӯр намудани назорати давлатии ҳифзи муҳити зист корҳои назаррас анҷом додааст. Аз ҷумла, соли равон бо мақсади беҳдошти муҳити зист ва таъмини амнияти экологии аҳолӣ дар шаҳру ноҳияҳои кишвар 875 аксияҳои экологии «Тозагии маҳал» гузаронида шуданд, ки дар онҳо беш аз 314 ҳазор нафар шаҳрвандон иштирок намуда, зиёда аз 4327,93 метри мураббаъ парвтоҳои истеъмолӣ ва сахтти маишӣ аз кӯчаю маҳаллаҳо ҷамъоварӣ ва ба партовгоҳҳои шаҳру ноҳияҳо бароварда шуданд.
Зикр шуд, ки ҷиҳати пешгирии ифлосшавии манбаъҳои обӣ ва баланд бардоштани сатҳи маърифати экологии аҳолӣ бо мақсади ҳифзи захираҳои об 691 аксияи «Тозагии соҳил-2021» гузаронида шуд. Дар онҳо 210174 нафар аҳолии шаҳру навоҳӣ ва деҳоти мамлакат иштирок намуда, беш аз 1602 км каналҳои магистралӣ, обанборҳо, соҳилҳои дарёҳо ва дигар манбаъҳои обӣ аз партову ифлосиҳо тоза гардиданд.
Истироҳатгоҳи маърифатӣ ва фароғатии «Камароб» ба фаъолият оғоз намуд
«ШОҲНОМА – ШОҲАСАРИ МОНДАГОР ВА ПАЙВАНДГАРИ НАСЛҲОИ ОРИЁӢ». Дар Душанбе конфронси байналмилалӣ баргузор шуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
