Бонки миллии Тоҷикистон ҳамкориро бо «Rietumu Bank» тақвият мебахшад

Август 30, 2021 11:15

ДУШАНБЕ, 30.08.2021 /АМИТ «Ховар»/. Ба роҳ мондани ҳамкорӣ миёни Бонки миллии Тоҷикистон ва «Rietumu Bank»-и Латвия дар мулоқоти  Раиси Бонки миллии Тоҷикистон Ҳоким Холиқзода бо намояндагони Бонки «Rietumu Bank»-и Латвия Леонид Эстеркин — Раиси Шӯрои бонк ва Эммануил Гриншпун – ноиби Президенти бонк, ки бо сафари корӣ дар Тоҷикистон қарор доранд, дар Душанбе баррасӣ гардид.

Аз БМТ ба АМИТ «Ховар» иттилоъ доданд, ки  Раиси Бонки миллии Тоҷикистон Ҳоким Холиқзода ва намояндагони бонки «Rietumu Bank» вазъи кунунии низоми бонкии мамлакат, дурнамои рушди соҳа дар давраи миёнамуҳлат ва дарозмуддат, ба роҳ мондани муносибатҳои муросилотӣ, густариши ҳисоббаробаркуниҳои ғайринақдӣ тавассути истифодаи технологияҳои муосирро мавриди баррасӣ қарор доданд. Ҳамзамон имконияти ба роҳ мондани ҳамкории бонки «Rietumu Bank» бо бонкҳои Ҷумҳурии Тоҷикистон муҳокима шуд.

Раиси Бонки миллии Тоҷикистон Ҳоким Холиқзода оид ба низоми бонкии Тоҷикистон ва дигаргуниҳое, ки дар лоиҳаи Кодекси андози Ҷумҳурии Тоҷикистон пешбинӣ шудаанд, маълумот дод.

Зикр шуд, ки дар Ҷумҳурии Тоҷикистон барои ҷалби сармояи мустақими хориҷӣ ба бахши бонкдории кишвар, фаъолияти озоду бемамониати сармоягузорони хориҷӣ шароити мусоид ва заминаи меъёрию ҳуқуқии мукаммал фароҳам оварда шуда, «Rietumu Bank» метавонад дар ҷумҳурии мо бо имконияти бештару беҳтар ва ба манфиати ҳарду ҷониб ба бозори молиявӣ ворид гардида, дар рушди иқтисоди Ҷумҳурии Тоҷикистон саҳм гузорад.

Намояндагони «Rietumu Bank» ҳавасмандии худро ҷиҳати роҳандозии муносибатҳои судманди дуҷониба иброз намуданд.

Бонки «Rietumu Bank»- яке аз бонкҳои бонуфузи тиҷоратии Латвия буда, аз рӯи ҳаҷми дороиҳо ба панҷгонаи калонтарин бонкҳои Латвия шомил мегардад.

Аксҳо аз БМТ

Август 30, 2021 11:15

Хабарҳои дигари ин бахш

«Саноатсодиротбонк» аъзои Ассотсиатсияи институтҳои молиявии рушд дар Осиё ва минтақаи уқёнуси Ором гардид
Тақвияти ҳамкории Бонки миллии Тоҷикистон бо ICBC ва RAMP дар Вашингтон баррасӣ гардид
ҚУРБИ АСЪОР: дар Тоҷикистон 1 рубли русӣ аз 0. 6137 то 0.1290 сомонӣ муқаррар шудааст
Ҳиссаи хоҷагиҳои ҷамъиятӣ дар ҳаҷми умумии маҳсулоти кишоварзӣ бештар гардидааст
Дар ноҳияи Муъминобод кишти зироати кишоварзӣ идома дорад
НАҚЛИЁТИ БАРҚӢ. Тоҷикистон ба мавҷи аккумуляторҳои истифодашудаи онҳо чӣ гуна омодагӣ мебинад?
Муовини якуми Сарвазири Ҷумҳурии Тоҷикистон бо Президенти Гурӯҳи Бонки ҷаҳонӣ мулоқот намуд
Тоҷикистон дар самти моликияти зеҳнӣ дар даврони соҳибистиқлолӣ ба 39 созишномаю конвенсияҳои байналмилалӣ ҳамроҳ шуд
Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
Дар Тоҷикистон шумораи субъектҳои хоҷагидорӣ 5,1 фоиз зиёд гардидааст
Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
Байни Тоҷикистон ва Русия дар соҳаи энергетика Протоколи муҳим ба имзо расид