НОН ШУДАМ, ШОИСТАИ ҲАР ХОН ШУДАМ. Шаҳри Душанбе ғолиби озмуни нон ва маҳсулоти нонӣ дар соли 2021 гардид

Август 16, 2021 09:06

ДУШАНБЕ, 16.08.2021. /АМИТ «Ховар»/. 15 август бо ташаббуси Иттифоқи Тоҷикматлубот дар Муассисаи давлатии «Боғи Ирам» таҳти унвони «Нон шудам, шоистаи ҳар хон шудам» даври ҷумҳуриявии озмуни нон ва маҳсулоти нонӣ баргузор гардид, ки ҷойи аввалро Мақомоти иҷроияи ҳокимияти давлатии шаҳри Душанбе, ҷойи дуввумро вилояти Хатлону шаҳри Турсунзода ва ҷой сеюмро вилояти Суғду Бадахшон ба даст оварданд. Ба ташкилоту муассисаҳо ва   нафароне, ки дар озмун фаъол буданд, Ифтихорнома ва сипосномаҳо тақдим гардид.

Тавре хабарнигори АМИТ «Ховар» иттилоъ медиҳад,  дар озмуни  мазкур нонпазҳо ба сокинону меҳмонони пойтахт тарзи тайёр кардани нони  тоҷикӣ, аз қабили нони чаппотӣ, сатрӣ, кулчаи хурду калон, фатир, таҳмол, орзуқ, фатири қад-қад, қалама, ҳалвои сурху сафед ва дигар маҳсулоти аз орди гандум тайёршавандаро пешниҳод  намуданд.

Ҳакамони озмун маҳсулоти нонӣ, ҳамчунин  ороиши дастурхони намояндагони   минтақаҳои  ҷумҳуриро тамошо карда, ба ҳунари волои кадбонувони тоҷик баҳо доданд.

Зимни муайян кардани ғолибон ба сифати нон,  маҳсулоти нони миллӣ,  ороиши он бо маҳсулоти гуногун ва дигар шартҳо диққати махсус дода шуд.

Ҳадафи асосии баргузории озмун аз эҳёи анъанаҳои миллӣ ва оммавӣ гардонидани суннатҳои беҳтарини нонпазии ниёгон, тарғиби эҳтиром ба нон ва ҳунари нонпазӣ, намоиши пухтани навъҳои гуногуни нони минтақаҳои мамлакат, ҳавасмандкунии шаҳрвандон барои сарфакорона ва моҳирона пухтани навъҳои гуногуни нони минтақаҳои ҷумҳурӣ, ба наслҳои оянда мерос гузоштани тарзу усули пухтани он, ҳарчӣ бештар эҳё ва тарғибу ташвиқ кардани намудҳои нон ва маҳсулоти нонии парҳезӣ дар вилоят, шаҳру ноҳия, ҷамоатҳои шаҳраку деҳот, деҳа ва маҳаллаҳо иборат мебошад.

Озмун бо мақсади  иҷрои банди 28 «Ҷадвали баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои солҳои 2019-2021», ки бо Амри Президенти Ҷумҳурии Тоҷикистон аз 10 декабри соли 2019  тасдиқ гардидааст, роҳандозӣ гардид. Даврҳои якум ва дуюми озмун тибқи муқаррароти Низомномаи озмуни ҷумҳуриявии нон ва маҳсулоти нонӣ таҳти унвони «Нон шудам, шоистаи ҳар хон шудам» дар тамоми шаҳру ноҳия ва вилоятҳо баргузор гардида, беҳтаринҳои он дар даври ҷумҳуриявӣ иштирок намуданд.

Ёдовар мешавем, ки тӯли чанд сол аст дар пойтахт Озмуни маҳсулоти нонӣ таҳти унвони «Нон шудам, шоистаи ҳар хон шудам»,  «Оши палав», фестивали «Хӯрокҳо ва пуфакҳои ҳавоӣ», фестивали баҳории хӯрокҳои миллӣ, «Хӯришҳои миллӣ», «Яхмос ва обҳои ташнагишикан» ва дигар иду ҷашнҳо бо шукӯҳи хосса баргузор мегардад.

АКСҲО аз АМИТ «Ховар»

Август 16, 2021 09:06

Хабарҳои дигари ин бахш

Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид
Ҳунари балети Тоҷикистон дар Париж муаррифӣ мегардад
Дабири кулли Созмони ҳамкории иқтисодӣ дар Осорхонаи миллӣ намоиши анъанавии «Аз Наврӯз то Наврӯз»-ро тамошо намуд