Дар Бохтар бо иштироки беш аз 55 нафар ҳунармандон аз Қазоқистон барномаи фарҳангӣ доир гардид
ДУШАНБЕ, 20.09.2021 /АМИТ «Ховар»/. 18 сентябр дар шаҳри Бохтари вилояти Хатлон бо иштироки беш аз 55 нафар ҳунармандон ва раққосон аз ду ансамбли давлатии рақсӣ — «Салтанат» ва ансамбли фолклории «Остона-сази»-и Ҷумҳурии Қазоқистон барномаи фарҳангӣ доир гардид, иттилоъ доданд ба АМИТ «Ховар» аз шуъбаи иттилоотию таҳлилии дастгоҳи раиси вилояти Хатлон.
Барномаи фарҳангӣ дар доираи баргузории иҷлосияи Шӯрои амнияти дастҷамъии Созмони Аҳдномаи амнияти дастҷамъӣ дар Тоҷикистон доир гардид.
Пеш аз оғози барномаи фарҳангӣ намоиши ҳунарҳои мардумии тоҷикон ва қазоқҳо пешниҳоди меҳмонон гардонида шуд.
Муовини раиси шаҳри Бохтар Наргис Қурбонзода зикр намуд, ки баргузории чунин барномаҳои фарҳангӣ барои рушди муносибати дӯстонаи ҳарду миллат заминаи мусоид фароҳам меорад, то онҳо бо расму оин ва фарҳанги якдигар аз наздик шинос шаванд.
Сипас ҳунармандони Қазоқистон бо суруду таронаҳои ҷолибу пурмуҳтаво хотири аҳли толорро шод гардониданд. Ширкаткунандагони барномаи фарҳангӣ аз ҳунару маҳорати сарояндагони маҳбуби давлати дӯст, мутрибону навозандагон, гурӯҳҳои рақсӣ ва сурудҳои этнографӣ-фолклорӣ баҳраманд гардиданд.
Сокинони шаҳри Бохтар ҳар суруду рақсро бо хушҳолӣ истиқбол намуданд.
АКСҲО аз мақомоти иҷроияи ҳокимияти давлатии шаҳри Бохтар
Барои иштирокдорони Конфронси байналмилалии сатҳи баланд оид ба ҳифзи пиряхҳо барномаи фарҳангӣ доир карда мешавад
Намояндаи Тоҷикистон дар Форуми байналмилалӣ оид ба мероси маънавӣ ва шаклҳои баёни фарҳанги ҷаҳони Ислом иштирок намуд
Оид ба ҳифзи пиряхҳо ҳамоиши байналмилалӣ баргузор шуд
Ба бузургдошти олими бузурги тоҷик Абумансури Мотуридӣ конфронси ҷумҳуриявӣ доир шуд
«САДРИДДИН АЙНӢ ВА ИНҚИЛОБИ МАДАНӢ». Ин таҳлил даъват ба ҳушёрӣ ва талош барои ҳифзи дастовардҳои маънавӣ аст
Доир ба нақши Ибни Сино дар ташаккул ва рушди илми тиб ҳамоиш баргузор шуд
ВАСФИ ВАТАН ВА ХИРАД ДАР «ШОҲНОМА». Узви вобастаи Академияи миллии илмҳои Тоҷикистон Нуриддин Саид ин мавзуъро шарҳ медиҳад
Озмоишгоҳҳои низоми иттилоотии пиряхҳои Тоҷикистон ва сифати об, санитария ва изотопҳо ба истифода дода шуд
Дар ҳудуди ёдгории таърихии Ҳалқаҷар корҳои таҳқиқотӣ-бостоншиносӣ оғоз шуданд
Дар Академияи миллии илмҳои Тоҷикистон масъалаи механизмҳои иҷтимоии ташаккули ҳувияти аҳолӣ баррасӣ гардид
«ТОҶИКОНА МЕПӮШЕМ!». Занону духтарони мақомоти гумруки Тоҷикистон дар иқдоми либоси миллӣ иштирок намуданд
Дар шаҳристони Ҳулбук ковишҳои бостоншиносӣ аз нав оғоз гардиданд
