Дар ноҳияи Мастчоҳ 3 корхонаи истеҳсолӣ ба истифода дода шуд
ДУШАНБЕ, 29.09.2021 /АМИТ «Ховар»/. Дар ноҳияи Мастчоҳ бо иштироки Раиси вилояти Суғд Раҷаббой Аҳмадзода 3 корхона: коргоҳи истеҳсоли макарон, коргоҳи дӯзандагӣ ва коргоҳи истеҳсоли дару тирезаҳои пластикии ҶДММ «Диёр» мавриди истифода қарор дода шуд, иттилоъ доданд аз хадамоти матбуоти Раиси вилояти Суғд ба АМИТ «Ховар».
Корхонаҳои мазкур аз ҷониби соҳибкори маҳаллӣ Муллонаврӯз Муллонаврӯзов бунёд гардида, дар онҳо маҳсулоти ивазкунандаи воридот истеҳсол карда мешаванд.
Коргоҳи истеҳсоли макарон бо дастгоҳҳои замонавӣ ҷиҳозонида шуда,дар он шаш коргар бо ҷойи кори доимӣ таъмин гардиданд. Дар коргоҳи истеҳсоли дару тирезаҳои пластикӣ чор нафар ва дар коргоҳи дӯзандагӣ 14 нафар соҳиби ҷойи кор шуданд.
Раиси вилояти Суғд Раҷаббой Аҳмадзодаташкили чунин коргоҳҳои хурди саноатиро барои рушди соҳаи саноат муҳиму саривақтӣ арзёбӣ карда, иброз дошт, ки ба роҳ мондани истеҳсоли маҳсулоти воридотивазкунанда ва таъмини бозори дохилӣ бо маҳсулоти ватанӣ аз ҳадафҳои асосӣ маҳсуб мешавад. Бо чунин коргоҳҳои хурд метавон эҳтиёҷоти ноҳия ба маҳсулоти заруриро бароварда сохт. Ният аст, ки дар оянда доираи фаъолияти коргоҳҳо бояд васеъ карда шавад.
Дар ноҳияи Мастчоҳ тайи чанд соли охир ба ташкили корхонаҳои саноатӣ таваҷҷуҳи зарурӣ зоҳир шуда, барои расидан ба ҳадафи чоруми стратегӣ-саноатикунонии босуръати мамлакат аз тамоми имконият истифода бурда мешавад.
АКСҲО аз хадамоти матбуоти Раиси вилояти Суғд
200 нафар занони соҳибкор аз грантҳои Президенти Ҷумҳурии Тоҷикистон бархурдор мегарданд
Дар беш аз 500 гектар замини хоҷагиҳои ҷамоавӣ ва деҳқонии Тоҷикистон боғу токзори нав бунёд гардидааст
Фарҳод Раҳимӣ: «Иқдоми стратегии Президенти Тоҷикистон доир ба зеҳни сунъӣ дар сатҳи ҷаҳонӣ хеле саривақтӣ аст»
Корхонаҳои саноатии Хуҷанд ба маблағи 214,7 миллион сомонӣ маҳсулот содирот намудаанд
Гурӯҳи кории Бонки рушди Осиё бо имконоти сармоягузорӣ ва инфрасохтори Минтақаи озоди иқтисодии «Данғара» шинос шуд
Дар Пекин дафтари намояндагии Палатаи савдо ва саноати Ҷумҳурии Тоҷикистон ифтитоҳ гардид
НИШАСТИ МАТБУОТӢ. Агентии «Тоҷикстандарт» ба зиёда аз 21 ҳазор миқдор молу маҳсулот сертификати мутобиқат дод
Бахшида ба ворид шудани дараи Алмосӣ ба Низоми мероси кишоварзии дорои аҳамияти ҷаҳонӣ дар Ҳисор ҳамоиши ҷумҳуриявӣ доир шуд
Сармоягузорони Чин бо фаъолияти Минтақаи озоди иқтисодии «Кӯлоб» шинос шуданд
Дар хоҷагиҳои моҳипарварии Тоҷикистон 1906 тонна моҳӣ истеҳсол карда шуд
НИШАСТИ МАТБУОТӢ. Ҳаҷми гардиши савдои хориҷии Тоҷикистон зиёда аз 4,7 миллиард долларро ташкил дод
Содироти маҳсулоти кишоварзии Тоҷикистон ба хориҷ дар шаш моҳи соли 2025 ба 33,9 миллион доллар расид
