Мақомоти гумруки Тоҷикистон ва Корея мубодилаи маълумоти электрониро ба роҳ мемонанд
ДУШАНБЕ, 17.09.2021 /АМИТ «Ховар»/. Мақомоти гумруки Тоҷикистон ва Корея тасмим гирифтаанд, ки ҳамкориро дар самти мубодилаи маълумоти электронӣ тавассути баимзорасонии созишнома ба роҳ монанд. Ин ва дигар масъалаҳои марбут ба тавсеаи ҳамкории гумрукӣ миёни мақомоти гумруки Тоҷикистон ва Корея дар мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода ва Комиссари Хадамоти гумруки Корея Лим Ҷэй Ҳён дар Душанбе баррасӣ шуданд, иттилоъ медиҳад хабарнигори АМИТ «Ховар».
Мусоҳибон ба сатҳи ҳамкории гумрукии Тоҷикистон ва Корея баҳои баланд дода, ҳавасмандии худро дар самти мукаммалгардонии Хадамоти гумруки Тоҷикистон бо назардошти ба истифода додани системаи идоракунии таваккал ҳамчун асоси густариши ҳамкории дуҷониба баён доштанд.
Роҳбарони ҳайатҳои гумрукии Тоҷикистон ва Корея дар рӯҳияи ҳамдигарфаҳмӣ ва густариши ҳамкории судманд вохӯриро ба анҷом расонида, ба мувофиқа расиданд, ки Хадамоти гумруки Ҷумҳурии Корея мизбони вохӯрии 3-юми роҳбарони Хадамоти гумруки Тоҷикистон ва Корея хоҳад гардид. Сана ва рӯзномаи ҷаласаи навбатӣ тавассути машваратҳои минбаъда миёни ҳарду мақомот ҳамоҳанг карда мешавад.
Ҳайати мақомоти гумруки Корея таҳти роҳбарии Комиссари Хадамоти гумруки Ҷумҳурии Корея Лим Ҷэй Ҳён зимни сафар ба Тоҷикистон дар маросими ифтитоҳи «низоми идораи таваккал» ва ҳамоиши ҳамкории гумрукии Тоҷикистон ва Корея иштирок намуда, аз дидбонгоҳи гумрукии «Терминал»-и Душанбе боздид намуда, бо ҷараёни кори низоми идораи таваккал дар «Терминал»-и Душанбе аз наздик шинос гардид. Инчунин ҳайати гумрукчиёни Корея ба шаҳри Ҳисор рафта, аз ёдгории таърихии Қалъаи Ҳисор ва мавзеи истироҳатии «Шаршара»-и шаҳри Ҳисор боздид намуд.
Марзия САИДЗОДА,
АМИТ «Ховар»
Акс аз Хадамоти гумруки назди Ҳукумати ҶТ
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
