Ҷаласаи шашуми Комиссияи муштараки байниҳукуматии Тоҷикистон ва Украина доир гардид
ДУШАНБЕ, 28.10.2021 /АМИТ «Ховар»/. Дирӯз, 27 октябр ҷаласаи шашуми Комиссияи муштараки байниҳукуматии Тоҷикистон ва Украина оид ба масъалаҳои ҳамкории иқтисодӣ тариқи видеоконфронс баргузор гардид. Дар ин бора аз Вазорати рушди иқтисод ва савдои Ҷумҳурии Тоҷикистон ба АМИТ «Ховар» хабар доданд.
Ҳайати Ҷумҳурии Тоҷикистонро муовини Вазири рушди иқтисод ва савдои Ҷумҳурии Тоҷикистон, раиси қисми тоҷикистонии Комиссия Рухшона Насриддинзода роҳбарӣ намуд. Ҳайати Украинаро муовини Вазири иқтисоди Украина — намояндаи тиҷоратии Украина, раиси қисми украинии Комиссия Тарас Качка роҳбарӣ мекард.
Зимни мулоқот ҷонибҳо оид ба самтҳои афзалиятноки ҳамкории дуҷониба табодули афкор намуданд. Р. Насриддинзода таъкид кард, ки барои Тоҷикистон таҳкими равобити дуҷонибаи мутақобилан судманди тиҷоративу иқтисодӣ бо Украина вазифаи муҳим ба ҳисоб меравад.
Дар робита ба ин, Р. Насриддинзода пешниҳод намуд, ки рӯйхати интиқолҳои мутақобилаи маҳсулоти саноатӣ, аз ҷумла маҳсулоти кишоварзии Тоҷикистон ба Украина васеъ карда шавад.
Ҳамзамон ба масъалаҳои таъсиси корхонаҳои муштараки саноатӣ дар ҳудуди минтақаҳои озоди иқтисодии Ҷумҳурии Тоҷикистон ва иштирок дар лоиҳаҳои муштараки сохтмони неругоҳҳои барқи обӣ таваҷҷуҳи махсус зоҳир гардид.
Ҷонибҳо инчунин муҳимияти идомаи корҳо ҷиҳати фароҳам овардани шароити мусоид барои рушди иқтидори транзити ҳарду кишварро зикр намуда, масъалаи азсаргирии парвозҳои мустақими мусофирбарӣ дар масири Киев-Душанбе-Киевро баррасӣ намуданд.
Дар доираи ҷаласаи мазкур ба ҷонибҳо дастур дода шуд, ки ҳамкории мутақобилан судмандро дар самтҳои маориф, сайёҳӣ, фарҳангӣ ва дигар бахшҳои мавриди таваҷҷуҳи тарафайн идома диҳанд.
Дар анҷоми ҷаласа Протокол ба имзо расид.
АКС аз сомонаи Вазорати рушди иқтисод ва савдо
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
