Ангурпарварони шаҳри Турсунзода ба Русия ва Қазоқистон 13,3 ҳазор тонна ангур содирот намудаанд
ДУШАНБЕ, 30.10.2021 /АМИТ «Ховар»/. Ангурпарварони шаҳри Турсунзода дар даҳ моҳи соли равон ба хориҷи кишвар, асосан ба Федератсияи Русия ва Қазоқистон беш аз 13 ҳазор тонна навъҳои гуногуни ангур содирот намудаанд, ки ин нишондиҳанда соли 2020 дар маҷмуъ 6016 тоннаро ташкил медод. Яъне, танҳо дар 10 моҳи соли ҷорӣ содироти ангур аз шаҳри Турсунзода беш аз 200 фоиз афзоиш ёфтааст, иттилоъ дод котиби матбуоти раиси шаҳри Турсунзода Фируз Холиқов ба хабарнигори АМИТ «Ховар».
Барои беталаф нигоҳ доштани маҳсулот, таъмини бозори истеъмолӣ ва ба содирот равона кардани маҳсулот дар шаҳри Турсунзода беш аз 40 сардхона бо ғунҷоиши зиёда аз 10800 тонна мавҷуд аст. Соли равон дар натиҷаи риояи талаботи агротехникии парвариши маҳсулот ва мусоид омадани обу ҳаво токзори шаҳри Турсунзода ҳосили хуб дод. Ҳоло дар токзор ва сардхонаҳо ҳосили ангур фаровон аст. Кишоварзон ният доранд, ки то охири соли равон содироти ангурро то ба 20 000 тонна расонида, барои иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти
Ҷумҳурии Тоҷикистон муҳтарам Эмомалӣ Раҳмон дар самти афзоиши маҳсулоти содиротӣ саҳми муносиб гузоранд.
Дар парвариш ва содироти ангури хушсифат хоҷагиҳои соҳибтаҷриба ва пешқадами шаҳр, назири «Боғи Сомон» , «Ватан» ва «Ҳоҷӣ Неъмат» саҳми бештар дошта, дар майдони токзори ин хоҷагиҳо беш аз 10 навъи ангур павариш меёбад, ки дар бозори истеъмолӣ рақобатпазир буда, ба содирот нигаронида шудаанд. Кишоварзони шаҳри Турсунзода заминҳои корам ва майдони боғу токзорро самаранок истифода бурда, дар таъмини амнияти озуқавории мамлакат саҳми арзанда мегузоранд.
Аксҳо аз бойгонии АМИТ «Ховар»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
